ଗ୍ରାମୀଣ ରୋଜଗାର ବ୍ୟବସ୍ଥାରେ ବଡ ପରିବର୍ତ୍ତନ ଆଣିବାକୁ ଯାଉଛନ୍ତି କେନ୍ଦ୍ରର ମୋଦୀ ସରକାର । ଏବେ ବିକାଶିତ ଭାରତ-ଜୀ ରାମ ଜୀ ଯୋଜନା (VB-G RAM G) ସହିତ MNREGA ର ସ୍ଥାନ ନେବ । ସରକାର ଆଜି ସଂସଦରେ ଏଥିପାଇଁ ଏକ ବିଲ୍ ଆଗତ କରିବେ। ଏହି ବିଲ୍ ଅନୁଯାୟୀ, ପ୍ରତ୍ୟେକ ଗ୍ରାମୀଣ ପରିବାର ପ୍ରତି ଆର୍ଥିକ ବର୍ଷରେ ୧୨୫ ଦିନର ମଜୁରୀ ନିଯୁକ୍ତିର ଏକ ବୈଧାନିକ ଗ୍ୟାରେଣ୍ଟି ପାଇବେ। ତଥାପି, ବିଲ୍ ଆଗତ ସମୟରେ ସଂସଦରେ ହଙ୍ଗାମା ହେବାର ଆଶା କରାଯାଉଛି।
ଏହି ନୂତନ ଆଇନକୁ ‘ବିକଶିତ ଭାରତ – ନିଯୁକ୍ତି ଏବଂ ଜୀବିକା ମିଶନ ପାଇଁ ଗ୍ୟାରେଣ୍ଟି (ଗ୍ରାମୀଣ) ବିଲ୍, ୨୦୨୫’ ବୋଲି କୁହାଯିବ। ଏହି ବିଲ୍ ଏକ ଗ୍ରାମୀଣ ବିକାଶ ଢାଞ୍ଚା ସ୍ଥାପନ କରିବାର ଲକ୍ଷ୍ୟ ରଖିଛି ଯାହା ବିକଶିତ ଭାରତ ୨୦୪୭ ର ଜାତୀୟ ଦୃଷ୍ଟିକୋଣ ସହିତ ସମାନ ।ସରକାରଙ୍କ ପକ୍ଷରୁ ଜାରି ହୋଇଥିବା ନୂଆ ନିୟମ ମୁତାବକ, ନୂଆ ବିଲ୍ ଲକ୍ଷ୍ୟ ରହିବ ଗ୍ରାମାଞ୍ଚଳରେ କେବଳ ଦିନମଜୁରୀ ଭିତ୍ତିକ କାମ ନୁହେଁ, ବରଂ କୌଶଳ ଆଧାରିତ, ସ୍ଥାୟୀ ଓ ଉତ୍ପାଦନମୂଳକ ରୋଜଗାର ସୃଷ୍ଟି କରିବା।
MGNREGA ରେ ପ୍ରତିବର୍ଷ ୧୦୦ ଦିନର କାମ ଗ୍ୟାରେଣ୍ଟି ରହିଥିବାବେଳେ, ନୂଆ ଆଇନରେ ଗ୍ରାମୀଣ ଅର୍ଥନୀତିକୁ ସ୍ୱାବଳମ୍ବୀ କରିବା ଉପରେ ଅଧିକ ଗୁରୁତ୍ୱ ଦିଆଯାଇଛି ଏବଂ ଏହି ବିଧେୟକରେ ୧୨୫ ଦିନ କାମ ଗ୍ୟାରେଣ୍ଟି ପ୍ରଦାନ କରାଯିବ । ତେବେ ଏହି ପଦକ୍ଷେପ ଗ୍ରାମୀଣ ନିଯୁକ୍ତି ଏବଂ ଜୀବିକା ସୁରକ୍ଷାରେ ଏକ ପ୍ରମୁଖ ନୀତିଗତ ପରିବର୍ତ୍ତନକୁ ଚିହ୍ନିତ କରିବ ।
ପ୍ରସ୍ତାବିତ ବିଲ୍ରେ ଗ୍ରାମୀଣ ଯୁବକ-ଯୁବତୀଙ୍କୁ ସ୍କିଲ୍ ଟ୍ରେନିଂ, ସ୍ୱୟଂରୋଜଗାର, ଗ୍ରାମ ଭିତ୍ତିକ ଉଦ୍ୟୋଗ, କୃଷି ସଂପୃକ୍ତ କାର୍ଯ୍ୟ ଓ ସ୍ମଲ୍ ଇଣ୍ଡଷ୍ଟ୍ରିକୁ ରୋଜଗାର ସହ ଯୋଡ଼ିବାର ବ୍ୟବସ୍ଥା ରହିଛି। ସରକାରଙ୍କ ମତରେ, ଏହା ଦ୍ୱାରା ଗ୍ରାମରୁ ସହରକୁ ଅବୈକଳ୍ପିକ ପ୍ରବାସ କମିବ ଏବଂ ଗ୍ରାମୀଣ ଅଞ୍ଚଳରେ ଆର୍ଥିକ ସ୍ଥିରତା ଆସିବ ।