ଯାତ୍ରୀଙ୍କୁ କ୍ଷମା ମାଗିଲା ଇଣ୍ଡିଗୋ । ଟଳୁନି ଇଣ୍ଡିଗୋ ସଂକଟ । ଗତକାଲି ଗୋଟିଏ ଦିନରେ ୫୫୦ ଇଣ୍ଡିଗୋ ଫ୍ଲାଇଟ ବାତିଲ ହୋଇଛି । ଏହି ବ୍ୟାଘାତ ପାଇଁ କ୍ଷମା ପ୍ରାର୍ଥନା କରିଛି ଏୟାରଲାଇନ । ବିମାନ ସେବା ବ୍ୟାଘାତ ପାଇଁ ଦିଲ୍ଲୀ, ମୁମ୍ବାଇ, ଅହମ୍ମଦାବାଦ ଓ ହାଇଦ୍ରାବାଦ ଏୟାରପୋର୍ଟ ସବୁଠୁ ଅଧିକ ପ୍ରଭାବିତ ହୋଇଛି । ଏହି ୪ ବିମାନବନ୍ଦରରୁ ୧୯୧ ବିମାନ ଉଡ଼ାଣ ରଦ୍ଦ ହୋଇଥିଲା। ଆଜି ଆହୁରି ଅଧିକ ବିମାନ କ୍ୟାନସେଲ ହୋଇପାରେ। ଇଣ୍ଡିଗୋ ପକ୍ଷରୁ ଏହି ସୂଚନା ଦିଆଯାଇଛି। ଆଜି ତୃତୀୟ ଦିନ ପାଇଁ ଅପରେସନ୍ ସମସ୍ୟା ଜାରି ରହିଛି ।
ଆସନ୍ତା ଦୁଇ ତିନି ଦିନ ପର୍ଯ୍ୟନ୍ତ ଏହି ସମସ୍ୟା ଲାଗି ରହିବ। ଗତକାଲି ଦିନ ତମାମ ଅପେକ୍ଷା କରି ଶେଷରେ ନିରାଶ ହୋଇଥିଲେ ଯାତ୍ରୀ । ସମାଧାନ ପାଇଁ ବେସାମରିକ ବିମାନ ଚଳାଚଳ ମନ୍ତ୍ରାଳୟ ଓ DGCA ଇଣ୍ଡିଗୋ ଅଧିକାରୀଙ୍କୁ ଭେଟିଥିଲେ । ପ୍ରତିଦିନ ୨୩ଶହ ଇଣ୍ଡିଗୋ ବିମାନ ଚଳାଚଳ କରୁଛି। ଅପରେସନ୍ ସମସ୍ୟା ଯୋଗୁ ଠିକ୍ ସମୟରେ ଉଡ଼ାଣ ହାର ୩୫%କୁ ଖସି ଆସିଛି।