ଗୁଆହାଟୀରେ ଆଜିଠୁ ଆରମ୍ଭ ହେଉଛି ମହିଳା ଦିନିକିଆ ବିଶ୍ୱକପ୍ କ୍ରିକେଟ୍ । ଉଦ୍ଘାଟନୀ ମ୍ୟାଚରେ ଦୁଇ ଆୟୋଜକ ଦେଶ ଭାରତ ଓ ଶ୍ରୀଲଙ୍କା ସାମ୍ନାସାମ୍ନି ହେବାକୁ ଯାଉଛନ୍ତି ।
ଏଥର ପ୍ରଥମଥର ପାଇଁ ଭାରତ ଓ ଶ୍ରୀଲଙ୍କା ମିଳିତ ଭାବେ ମହିଳା କ୍ରିକେଟ୍ ବିଶ୍ୱକପ୍ର ଆୟୋଜନ କରୁଛନ୍ତି । ଭାରତୀୟ ମହିଳା ଟିମ୍କୁ ଅଧିନାୟକତ୍ବ ଦେଉଛନ୍ତି ହରମନପ୍ରିତ୍ କୌର । ବ୍ୟାଟିଂ ଓ ବୋଲିଂ – ଦୁଇଟି ମେଳରେ ସନ୍ତୁଳିତ ଭାବରେ ପ୍ରସ୍ତୁତ ହୋଇଛି ଟିମ୍ । ସ୍ମୃତି ମନ୍ଧାନା, ରିଚା ଘୋଷ, ଦୀପ୍ତି ଶର୍ମା ଓ ରେଣୁକା ସିଂଙ୍କ ଭଳି ଅଭିଜ୍ଞ ଖେଳାଳି ଭାରତୀୟ ଦଳକୁ ଶକ୍ତିଶାଳୀ କରିଛନ୍ତି ।
ସେପଟେ, ଚମାରି ଆଟାପାଟୁଙ୍କ ନେତୃତ୍ୱରେ ଶ୍ରୀଲଙ୍କା ମହିଳା ଟିମ୍ମଧ୍ୟ ଅଧିକ ସଜଗ ଓ ବେଶ୍ ଶକ୍ତିଶାଳୀ ।