ରାଜଧାନୀ ଢାକାର ଏକ ବଡ଼ ବସ୍ତିରେ ଭୟଙ୍କର ଅଗ୍ନିକାଣ୍ଡ ଘଟି ୧୫୦୦ରୁ ଅଧିକ ଘର ଜଳିଭସ୍ମ ହୋଇଯାଇଛି। ଏହି ଦୁର୍ଘଟଣାରେ ହଜାର ହଜାର ଲୋକ ବାସହରା ହୋଇପଡ଼ିଛନ୍ତି। ଭାଗ୍ୟକ୍ରମେ କୌଣସି ଜନହାନୀ ହୋଇନାହିଁ।
ଫାୟାର ସର୍ଭିସ ଡାଇରେକ୍ଟର ଲେଫଟେନାଣ୍ଟ କର୍ନଲ ମହମ୍ମଦ ତାଜୁଲ ଇସ୍ଲାମଙ୍କ କଥାନୁସାରେ, ବସ୍ତିରେ ପ୍ରାୟ ୬୦୦୦ ଲୋକ ରହୁଥିଲେ ଏବଂ ଅଗ୍ନିକାଣ୍ଡରେ ପ୍ରାୟ ସମଗ୍ର ଅଞ୍ଚଳ (୧୬୦ ଏକରରୁ ଅଧିକ) ପ୍ରଭାବିତ ହୋଇଛି। ଅଧିକାଂଶ ଅବସ୍ଥାପନକାରୀ ଶରଣାର୍ଥୀ ଥିବା ଥିବାରୁ ନଷ୍ଟକ୍ଷତି ଅଧିକ ଦେଖାଯାଇଛି।
ଦମକଳ ଗାଡି ବସ୍ତି ଭିତରେ ପ୍ରବେଶ କରିବାରେ ବହୁତ ଅସୁବିଧା ହେବାରୁ ନିଆଁକୁ ଆୟତ୍ତ କରିବାକୁ ପୂରା ୧୬ ଘଣ୍ଟା ସମୟ ଲାଗିଥିଲା। ବସ୍ତିବାସୀମାନେ ଏବେ ଜଳିଥିବା ପାଉଁଶ ଭିତରୁ ମୂଲ୍ୟବାନ ସାମଗ୍ରୀ ଉଦ୍ଧାର କରିବାରେ ଲାଗିଛନ୍ତି। ଅନେକଙ୍କ ପାଇଁ ଏହା ଜୀବିକାରେ ଭାରୀ ଆଘାତ ଆଣିଛି।