ନଭେମ୍ବର ୨୭ରୁ ଡିସେମ୍ବର ୩୧ ପର୍ଯ୍ୟନ୍ତ ଚାଲିବାକୁ ଥିବା ବିଧାନସଭା ଶୀତ ଅଧିବେଶନ ଆଜି ଆରମ୍ଭ ହୋଇଛି। ଅଧିବେଶନ ଆରମ୍ଭ ସହିତ ଗୃହରେ ତୀବ୍ର ସଙ୍ଘର୍ଷ ସୂଚନା ମିଳୁଛି। ଶାସକ ଓ ବିରୋଧୀ ଦଳ ମୁହାଁମୁହିଁ ହେବାକୁ ପୂର୍ଣ୍ଣ ପ୍ରସ୍ତୁତ ରହିଛନ୍ତି।
ତିନି ପ୍ରମୁଖ ଦଳ ବିଜେଡି, କଂଗ୍ରେସ ଓ ବିଜେପି ପୂର୍ବରୁ ବିଧାୟକ ଦଳ ବୈଠକ ବସି ଅଧିବେଶନ ପାଇଁ ରଣନୀତି ଚୂଡ଼ାନ୍ତ କରିଛନ୍ତି।
ବିଜେଡିର ମୁଖ୍ୟ ଅସ୍ତ୍ର:
ଆଇନ-ଶୃଙ୍ଖଳା, ନାରୀ ନିର୍ଯ୍ୟାତନା, ସାଂପ୍ରଦାୟିକ ଉତ୍ତେଜନା, ଚାଷୀ ସମସ୍ୟା, ନିଯୁକ୍ତି ସ୍କାମ ଭଳି ବିଷୟଗୁଡିକୁ ଗୃହରେ ଗୁରୁତ୍ୱର ସହ ପ୍ରସ୍ତୁତ କରିବାକୁ ବିଜେଡି ନିଷ୍ପତ୍ତି ନେଇଛି।
କଂଗ୍ରେସର ଆକ୍ରମକ ରଣନୀତି:
ରାଜ୍ୟରେ ବଢ଼ୁଥିବା ନାରୀ ନିର୍ଯାତନାକୁ ମୁଖ୍ୟ ଅସ୍ତ୍ର କରିବ ବୋଲି କଂଗ୍ରେସ ଘୋଷଣା କରିଛି। ସେହିପରି, ନୂଆପଡ଼ା ଉପନିର୍ବାଚନରେ ଭୋଟ ଚୋରି ପ୍ରସଙ୍ଗ, ବେକାରୀ, ନିଯୁକ୍ତି ଦୁର୍ନୀତି, ଦାଦନ ଓ ଚାଷୀ ସମସ୍ୟା ଉଠାଇବାକୁ କଂଗ୍ରେସ ପ୍ରସ୍ତୁତ ଅଛି।
ଶାସକ ଦଳର ପ୍ରତିକାର ତୟାରି:
ବିରୋଧୀଙ୍କ ଆକ୍ରମଣକୁ କାଉଣ୍ଟର କରିବା ପାଇଁ ଶାସକ ଦଳ ସମ୍ପୂର୍ଣ୍ଣ ପ୍ରସ୍ତୁତ। ୧୬ ମାସର ସରକାରୀ ସଫଳତା, ନୀତିଗତ ପଦକ୍ଷେପ ଓ ଲୋକପ୍ରିୟତାକୁ ଗୃହ ମଞ୍ଚରେ ଭଲଭାବେ ଉପସ୍ଥାପନ କରିବା ସହ ବିରୋଧୀଙ୍କ ସବୁ ପ୍ରଶ୍ନର ଯଥାଯଥ ଜବାବ ଦେବାକୁ ଶାସକ ଦଳ ପ୍ରସ୍ତୁତ