ରାଉରକେଲାରେ ଏକ ବଡ଼ ଏନକାଉଣ୍ଟର ହୋଇଛି । ଶନିବାର ବିଳମ୍ବିତ ରାତିରେ ୩ ଦୁର୍ଦ୍ଦାନ୍ତଙ୍କୁ ଏନକାଉଣ୍ଟର କରିଛି ରାଉରକେଲା ପୁଲିସ୍ । ଗୁରୁତର ୩ ମୋଷ୍ଟ ୱାଣ୍ଟେଡ୍ ଅପରାଧୀ ରାଉରକେଲା ସରକାରୀ ହସ୍ପିଟାଲରେ ଭର୍ତ୍ତି ହୋଇଛନ୍ତି । ଚକ୍ମା ଦେଇ ଖସି ଯିବାକୁ ଉଦ୍ୟମ କରୁଥିବାବେ ପୁଲିସ୍ର ସ୍ୱତନ୍ତ୍ର ଟିମ୍ ଏହି ଏନକାଉଣ୍ଟର କରିଛି । ୩ ଦୁର୍ଦ୍ଦାନ୍ତ ହେଲେ ଚନ୍ଦେ ନାୟକ, ପାରସ ରାମ, ରାଜେଶ ସିଂହ । ଏମାନେ ବିଗତ ଦିନରେ କୋଇଡା, ବାଙ୍କେ, ରେଙ୍ଗାଲବେଡା ଅଞ୍ଚଳ ସମେତ ଅନ୍ୟାନ୍ୟ ଅଞ୍ଚଳରେ ଡକାୟତି ଘଟଣାରେ ଜଡ଼ିତ ଥିବା ବୋଲି ପୋଲିସ ସୁତ୍ରରୁ ସୂଚନା ମିଲିଛି । ଗତକାଲି ବିଳମ୍ବିତ ରାତିରେ ଏହି ୩ଜଣ ଅଭିଯୁକ୍ତଙ୍କୁ ଲମସେ ଓ କୁଚେଇତା ଅଞ୍ଚଳରେ ପୁଲିସ ଏନକାଉଣ୍ଟର କରିଛି । ବର୍ତ୍ତମାନ ୩ ଜଣ ରାଉରକେଲା ସରକାରୀ ଡାକ୍ତରଖାନାରେ ଚିକିତ୍ସାଧୀନ ଅଛନ୍ତି ।
୩ ଦୁର୍ଦ୍ଦାନ୍ତଙ୍କୁ ଏକକାଳୀନ ଏନକାଉଣ୍ଟର କରିବା ରାଉରକେଲା ପୁଲିସ୍ ପାଇଁ ଏକ ବଡ଼ ସଫଳତା କହିଲେ ଭୁଲ ହେବ ନାହିଁ । ଏହି ଗ୍ୟାଙ୍ଗରେ ଥିବା ଅନ୍ୟ ୫ ଜଣ ମଧ୍ୟ ଗିରଫ ହୋଇଛନ୍ତି । ସେମାନଙ୍କ ପାଖରୁ ୩ଟି ପିସ୍ତଲ ଓ ଗୋଟିଏ ବାଇକ୍ ଜବତ ହୋଇଛି । ଏହି ୮ ଜଣିଆ ଗ୍ୟାଙ୍ଗ ସୁନ୍ଦରଗଡ଼ ଜିଲ୍ଲାର ବିଭିନ୍ନ ଅଞ୍ଚଳରେ ଡକାୟତି କରୁଥିଲେ । ଯାହା ଲୋକଙ୍କ ନିଦ ହଜାଇଥିଲା । କିଛି ଦିନ ତଳେ କୋଇଡା ଥାନା ଅଞ୍ଚଳରେ ମାରଣାସ୍ତ୍ର ଦେଖାଇ ଡକାୟତି କରିଥିଲେ ।