ପାରଳାଖେମୁଣ୍ଡି ସ୍ଥିତ ପୁରୁଣା କୋର୍ଟ ଛକ ଶୁଣ୍ଢୀସାହି ନିକଟରୁ ପ୍ରେମୀଯୁଗଳଙ୍କୁ ଉଠାଇ ନେଇଛି ଉତ୍ତରପ୍ରଦେଶ ପୁଲିସ । ଛତିଶଗଡ଼, ପାରଳାଖେମୁଣ୍ଡି ଆଦର୍ଶ ଥାନା ପୁଲିସ ସହାୟତାରେ ୨ ପ୍ରେମୀଙ୍କୁ ସେଠାରୁ କାବୁ କରିଛି ପୁଲିସ । ଉଭୟେ ଉତ୍ତରପ୍ରଦେଶର । ସେମାନେ ହେଲେ କ୍ରିଷ୍ଣାମୁରାରୀ ଏବଂ ଲିସି । ୟୁପିରୁ ଆସି ଏଠାରେ ଦୀର୍ଘଦିନ ଧରି ରହୁଥିଲେ । ପ୍ରେମୀ ଯୁଗଳଙ୍କ ଘର ୟୁପିର ବୃନ୍ଦାବନ ଅଞ୍ଚଳରେ । ସେମାନେ ଭଲ ପାଇ ପଳାଇ ଆସିଥିଲେ । ପରିବାର ଲୋକଙ୍କ ଏତଲା ପରେ ୟୁପି ପୁଲିସ୍ ଖୋଜାଖୋଜି କରି ପାଇ ନ ଥିଲା । ପୁଲିସ ଅନୁସନ୍ଧାନ ଚଳାଇଥିଲା । ଦୁଇ ପ୍ରେମୀ ଏଠାରେ ଥିବା ଜାଣିବା ପରେ ପାରଳାଖେମୁଣ୍ଡି ଥାନା ଅଧିକାରୀ ପ୍ରଶାନ୍ତ ଭୂପତିଙ୍କ ସହ ଯୋଗାଯୋଗ କରି ଶୁକ୍ରବାର ରାତି ସାଢ଼େ ୯ଟାରେ ଚଢ଼ଉ କରିଥିଲା । ଉଭୟଙ୍କୁ ପୁଲିସ ୟୁପି ନେଇଯାଇଥିବା ଥାନା ଅଧିକାରୀ କହିଛନ୍ତି ।