ଆଜି ସକାଳେ ଭାରତର ପଡୋଶୀ ଦେଶ ପାକିସ୍ତାନରେ ଶକ୍ତିଶାଳୀ ଭୂକମ୍ପ ଅନୁଭୂତ ହୋଇଛି । ଭୂକମ୍ପର ତୀବ୍ରତା ୫.୨ ରହିଥିବା ଜଣାପଡିଛି । ଭୂକମ୍ପ ଭୋର ପ୍ରାୟ ୩ଟା ୯ମିନିଟ୍ ସମୟରେ ଅନୁଭୂତ ହୋଇଥିଲା, ଯାହାର କେନ୍ଦ୍ରସ୍ଥଳ ପୃଥିବୀ ପୃଷ୍ଠରୁ ୧୩୫ କିଲୋମିଟର ଗଭୀରତାରେ ଥିବା ସୂଚନା ମିଳିଛି । କିନ୍ତୁ ଏପର୍ଯ୍ୟନ୍ତ କୌଣସି ଜୀବନ କିମ୍ବା ସମ୍ପତ୍ତି କ୍ଷୟକ୍ଷତିର ସୂଚନା ମିଳିନାହିଁ ।
ସୂଚନା ଅନୁଯାୟୀ, ଗୁରୁବାର ଏବଂ ଶୁକ୍ରବାର ରାତି ୨.୪୧ ରେ ଭାରତ ମହାସାଗରରେ ମଧ୍ୟ ଏକ ଭୂମିକମ୍ପ ହୋଇଥିଲା । ଯାହାର ତୀବ୍ରତା ୪.୩ ଥିଲା । ଏହି ଭୂମିକମ୍ପର କେନ୍ଦ୍ରସ୍ଥଳ ୧୦ କିଲୋମିଟର ଗଭୀରତାରେ ଥିଲା ।
ଅନ୍ୟପକ୍ଷରେ, ଗୁରୁବାର ଏବଂ ଶୁକ୍ରବାର ରାତି ୧ଟା୫୯ ମିନିଟରେ ଭାରତର ପଡ଼ୋଶୀ ଦେଶ ଆଫଗାନିସ୍ତାନରେ ମଧ୍ୟ ଏକ ଭୂମିକମ୍ପ ହୋଇଥିଲା । ଏହି ଭୂମିକମ୍ପର ତୀବ୍ରତା ୪.୨ ଥିଲା ଏବଂ ଏହାର କେନ୍ଦ୍ରଭୂମି ୧୯୦ କିଲୋମିଟର ଗଭୀରତାରେ ଥିଲା ।