TPCODLର ମନମୁଖୀ କାର୍ଯ୍ୟ, ଉଚ୍ଚ ବିଦ୍ୟୁତ ବିଲ ଓ ସ୍ମାର୍ଟ ମିଟର ବିରୋଧରେ ଢେଙ୍କାନାଳରେ ଆଜି ୧୨ ଘଣ୍ଟିଆ ବନ୍ଦ ପାଳନ ହେଉଛି। ସକାଳ ୬ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ଚାଲିବା ଏହି ବନ୍ଦକୁ ଢେଙ୍କାନାଳ ବିଦ୍ୟୁତ ଉପଭୋକ୍ତା କ୍ରିୟାନୁଷ୍ଠାନ କମିଟି ଡାକରା ଦେଇଛି।
ବନ୍ଦର ପ୍ରଭାବରେ ସହରର ଗାଡ଼ି ମୋଟର ଚଳାଚଳ ପୂର୍ଣ୍ଣ ଠପ୍ ହୋଇପଡ଼ିଛି। ଦୋକାନ ବଜାର, ବେସରକାରୀ ସଂସ୍ଥା ସହ ସରକାରୀ କାର୍ଯ୍ୟାଳୟମାନେ ମଧ୍ୟ ଦିନଭରି ବନ୍ଦ ରହିଛି।
୫୫ ନମ୍ବର ଜାତୀୟ ରାଜପଥରେ ଶହ ଶହ ଗାଡ଼ି ଅଟକି ରହିବା ଫଳରେ ଯାତାୟାତ ବାଧାପ୍ରାପ୍ତ ହୋଇଛି। ଯାତ୍ରୀମାନେ ଅସୁବିଧାରେ ପଡ଼ିଛନ୍ତି।