କାର୍ରେ ଚାଲାଣ ହେଇଥିଲା ଗଞ୍ଜେଇ । ପାଟ୍ରୋଲିଂ ବେଳେ ଧରାପଡ଼ିଲେ ଦୁଇ ଚାଲାଣକାରୀ । ୨ ଲକ୍ଷରୁ ଉର୍ଦ୍ଧ୍ୱ ଟଙ୍କାର ଗଞ୍ଜେଇ ଜବତ କଲା ଟାଙ୍ଗି ପୁଲିସ । କଟକ ଜିଲ୍ଲା ଟାଙ୍ଗି ଥାନା ମଙ୍ଗୁଳି ନିକଟରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ଟାଙ୍ଗି ଥାନା ଅଧିକାରୀ ଶିବ ପ୍ରସାଦ ଭଦ୍ରଙ୍କ ନିର୍ଦ୍ଦେଶ କ୍ରମେ ଟାଙ୍ଗି ପୁଲିସ ଏସଆଇ ହେମନ୍ତ ସାମଲ ମଙ୍ଗୁଳି ନିକଟରେ ପାଟ୍ରୋଲିଂ କରୁଥିଲେ। ଏହି ସମୟରେ ଢେଙ୍କାନାଳରୁ ଆସୁଥିବା ଏକ କାର୍କୁ ଯାଞ୍ଚ କରିଥିଲେ । ଯାଞ୍ଚ କରିବା ବେଳେ ଗାଡ଼ିରେ ଗଞ୍ଜେଇ ଥିବା ଜାଣିବାକୁ ପାଇଥିଲେ । ଗଞ୍ଜେଇ ଚାଲଣ କରୁଥିବା ୨ ଜଣ ଯୁବକଙ୍କୁ ଗିରଫ କରିଥିଲେ । ଜବତ ଗଞ୍ଜେଇର ମୂଲ୍ୟ ୨ଲକ୍ଷରୁ ଉର୍ଦ୍ଧ୍ୱ ହେବ ବୋଲି ସାମ୍ବାଦିକ ସମ୍ମିଳନୀ କରି ଏସଡିପିଓ ଉମାକାନ୍ତ ନାୟକ ପ୍ରକାଶ କରିଛନ୍ତି । ୨ ଅଭିଯୁକ୍ତଙ୍କୁ କୋର୍ଟଚାଲାଣ କରାଯାଇଛି ।