କେନ୍ଦୁଝର ଜିଲ୍ଲା ଆନନ୍ଦପୁର ଥାନା ଅଞ୍ଚଳରେ ସ୍ପେଶାଲ୍ ସ୍କ୍ଵାଡର ଚଢାଉ। ଗୋଚାଲାଣ ବେଳେ ଚଢାଉ କରି ୩ଟି ସ୍ଥାନରୁ ୫୫ ଗୋରୁଙ୍କୁ ଉଦ୍ଧାର କଲା ପୁଲିସ। ୩ ଅଭିଯୁକ୍ତ ଗିରଫ। ସୂଚନାନୁଯାୟୀ, ସ୍ପେଶାଲ୍ ସ୍କ୍ଵାଡ ଏବଂ ଆନନ୍ଦପୁର ପୁଲିସ ଚଢାଉ କରି ମୋଚନ୍ଦା ଗ୍ରାମ ନିକଟରୁ ଏକ ଗୋରୁ ବୋଝେଇ ପିକଅପ୍ ଭ୍ୟାନ୍ ଜବତ କରିଛି। ଏହି ଗାଡିରୁ ୧୦ ଗୋରୁଙ୍କୁ ଜୀବନ୍ତ ଉଦ୍ଧାର କରିବା ସହ ଗୋଚାଲାଣ ଅଭିଯୋଗରେ ୩ ଅଭିଯୁକ୍ତଙ୍କୁ ଗିରଫ କରାଯାଇଛି। ସେହିପରି ବାଲୁଙ୍କେଶ୍ୱର ଠାରୁ ୧୫ ଗୋରୁ ଉଦ୍ଧାର କରାଯାଇଛି। ପରେ ଫକୀରପୁର ପାଦୁଖାଇ ପୀଠରୁ ୩୦ ଗୋରୁ ଉଦ୍ଧାର ହୋଇଥିବା ସୂଚନା ମିଳିଛି।