ରାଜ୍ୟରେ ଖସୁଛି ପାରଦ। ବଢ଼ୁଛି ଥଣ୍ଡା। ଶନିବାର ଝାରସୁଗୁଡ଼ା ଓ ଫୁଲବାଣୀରେ ରାତି  ତାପମାତ୍ରା ୧୦ ଡିଗ୍ରୀ ରହିପାରେ ବୋଲି ପାଣିପାଗ ବିଭାଗ ଆକଳନ କରିଛି । ଆଭ୍ୟନ୍ତରୀଣ ଓଡ଼ିଶା ଓ ଦକ୍ଷିଣ ଓଡ଼ିଶାରେ ଅଧିକ ଥଣ୍ଡା  ଅନୁଭୂତ ହେବ । ଆସନ୍ତା ୩  ଦିନ ଯାଏ ସର୍ବନିମ୍ନ ତାପମାତ୍ରା  ଅପରିବର୍ତ୍ତିତ ରହିବ । ଏହାପରେ  ୨ରୁ ୩ ଡିଗ୍ରୀ ବଢ଼ିପାରେ ବୋଲି  ପାଣିପାଗ ବିଭାଗ ଆକଳନ କରିଛି । 

ରାଜ୍ୟର ୧୯ ସହର ୧୫ ଡିଗ୍ରୀ ତଳକୁ ଖସିଛି ।  ଦାରିଙ୍ଗିବାଡ଼ିରେ ପାରଦ ୭.୫ ଡିଗ୍ରୀ  ତଳେ ରହିଛି । ଫୁଲବାଣୀରେ ୮.୨,  ଭବାନୀପାଟଣା ଓ ନବରଙ୍ଗପୁରରେ  ୧୧.୫, ଅନୁଗୁଳରେ ୧୧.୬,  କେନ୍ଦୁଝର, ସୁନ୍ଦରଗଡ଼ ଓ  ରାଉରକେଲାରେ ୧୨.୨,  କୋରାପୁଟ ଓ ଢେଙ୍କାନାଳରେ  ୧୩.୨, ବଲାଙ୍ଗୀରରେ ୧୩.୫,  ସମ୍ବଲପୁରରେ ୧୩.୮, ସୋନପୁରରେ ୧୩.୯, ରାୟଗଡ଼ାରେ  ୧୪.୪, ଟିଟିଲାଗଡ଼ରେ ୧୪.୫  ଡିଗ୍ରୀ ରେକର୍ଡ ହୋଇଛି ।