ଢେଙ୍କାନାଳ ଜିଲ୍ଲା ବିଜେଡି ସଭାପତି ଡାକ୍ତର ନୃସିଂହ ଚରଣ ସାହୁଙ୍କ ନେତୃତ୍ୱରେ କାମାକ୍ଷାନଗର ଅଡ଼ିଟୋରିୟମ ଠାରେ ବିଜେଡିର ଏକ ସାଙ୍ଗଠନିକ ବୈଠକ ଅନୁଷ୍ଠିତ ହୋଇଯାଇଛି। ତେବେ ପୂର୍ବତନ ମନ୍ତ୍ରୀ ତଥା ବିଜେଡିର ପୂର୍ବତନ ଭେଟେରାନ ନେତା ପ୍ରଫୁଲ୍ଲ ମଲ୍ଲିକଙ୍କ ଗୁଡ଼ବାଏ ପରେ କାମାକ୍ଷାନଗରରେ ମଙ୍ଗୁଆଳ ପାଇଁ ଅଣ୍ଟା ଭିଡ଼ିଛି ବିଜେଡି । ବିଜେଡିର ଲୋକସଭା ପ୍ରାର୍ଥୀ ଅବିନାଶ ସାମଲ ,ବିଜେଡି ଜିଲ୍ଲା ଯୁବ ବିଜେଡି ସଭାପତି ତଥା ନଗରପାଳ ଧର୍ମାନଦ ପରିଡା,ବ୍ଲକ ଅଧକ୍ଷ ପ୍ରେମାନନ୍ଦ ସାହୁଙ୍କ ସମେତ ବହୁ ପଦାଧିକାରୀ ଏହି ସାଙ୍ଗଠନିକ ସମିଳନୀରେ ଉପସ୍ଥିତ ଥିଲେ। କାମାକ୍ଷାନଗର ନିର୍ବାଚନ ମଣ୍ଡଳୀରେ ବିଜେଡିକୁ ସୁଦୃଢ କରିବା ସହ ଶାସକ ଦଳକୁ ଚ୍ୟାଲେଞ୍ଜ କରିବାକୁ ବିଜେଡି ପ୍ରସ୍ତୁତ ରହିଥିବା ଦଳର ସଭାପତି ପ୍ରକାଶ କରିଛନ୍ତି। ନିକଟରେ ପୂର୍ବତନ ମନ୍ତ୍ରୀ ପ୍ରଫୁଲ୍ଲ କୁମାର ମଲ୍ଲିକଙ୍କୁ ଦଳରୁ ନିଲମ୍ବନ ପରେ ଅଡ଼ୁଆରେ ପଡି ଯାଇଥିଲା ଦଳ । ତେବେ ତାଙ୍କୁ ଦଳରୁ ବିଦା ପରେ ମଧ୍ୟ କିଛି ଫରକ ପଡିବ ନାହିଁ ବୋଲି କହିଛି ବିଜେଡି। ଯାହାକୁ ନେଇ ସଙ୍ଗଠନ ସୁଦୃଢ ପାଇଁ ସମସ୍ତ ସରପଞ୍ଚ, ସମିତିସଭ୍ୟ,ପଂଚାୟତ ଠାରୁ ଜିଲ୍ଲା ପର୍ଯ୍ୟନ୍ତ ଥିବା ନେତୃବୃନ୍ଦକୁ ଏକାଠି କରି ସଙ୍ଗଠନର ଗୋଟି ଚଳାଇଛି ବିଜେଡି । ତେବେ ଏହାକୁ ନେଇ ଆଗାମୀ ଦିନରେ କେତେ ପ୍ରଭାବ ପଡିବ ତାହାକୁ ହିଁ ଅପେକ୍ଷା।