ନୂଆପଡ଼ା: ଆଜି ନୂଆପଡ଼ା ଜିଲ୍ଲା ଗସ୍ତରେ ଯାଉଛନ୍ତି ରାଜ୍ୟର ପୂର୍ବତନ ମୁଖ୍ୟମନ୍ତ୍ରୀ ଓ ବିଜେଡି ସୁପ୍ରିମୋ ନବୀନ ପଟ୍ଟନାୟକ। ସେ ଖରିଆର ରୋଡ଼ରେ ଆୟୋଜିତ ବିଜେଡିର ବିରାଟ ସମାବେଶରେ ଯୋଗ ଦେବେ ଓ ଦଳର ପ୍ରାର୍ଥୀ ସ୍ନେହାଙ୍ଗିନୀ ଛୁରିଆଙ୍କ ପକ୍ଷରେ ପ୍ରଚାର କରିବେ।
ଗତ ୩ ତାରିଖରେ ମଧ୍ୟ ନବୀନ ନୂଆପଡ଼ା ଯାଇ ଜନସମାବେଶକୁ ସମ୍ବୋଧନ କରିଥିଲେ। ସେତେବେଳେ କର୍ମୀମାନଙ୍କ ମଧ୍ୟରେ ଜୋସ୍ ଓ ଉତ୍ସାହ ଦେଖିବାକୁ ମିଳିଥିଲା। ପୂର୍ବତନ ମୁଖ୍ୟମନ୍ତ୍ରୀଙ୍କୁ ନିକଟରେ ଦେଖି ନୂଆପଡ଼ାବାସୀ ଅତ୍ୟନ୍ତ ଖୁସି ହୋଇଥିଲେ।
ଆଜିର ସଭାରେ ନବୀନ ପଟ୍ଟନାୟକ ଦଳର ବିକାଶ ଯୋଜନା, ସରକାରୀ କାର୍ଯ୍ୟଫଳ ଓ ଜନସେବା ମାଧ୍ୟମରେ ଲୋକମାନଙ୍କ ଭରସା ଜିତିବା ପାଇଁ ଆହ୍ୱାନ ଦେବେ ବୋଲି ଦଳୀୟ ସୂତ୍ରରୁ ଜଣାପଡ଼ିଛି।