ବୈତରଣୀ ନଦୀ ଗାରଡେଶ୍ୱର ଘାଟରେ ଅଘଟଣ। ଗାଧୋଇବା ବେଳେ ବୁଡ଼ିଗଲେ ୩ ପିଲା। ଦୁଇ ନାବାଳକ ଉଦ୍ଧାର ଜଣେ ନାବାଳିକା ନିଖୋଜ। ସ୍ଥାନୀୟ ଲୋକଙ୍କ ସହାୟତାରେ ଅଗ୍ନିଶମ ବାହିନୀର ଉଦ୍ଧାର କାର୍ଯ୍ୟ ଜାରି।
ସୂଚନାନୁଯାୟୀ, ଗୁରୁବାର ଦିନ ପ୍ରାୟ ୧୧ଟା ବେଳେ ୩ ଭାଇ-ଭଉଣୀ ଓ ତାଙ୍କ ମାଉସୀ ପୁଅ ବୈତରଣୀ ନଦୀ କୂଳକୁ ଆସିଥିଲେ। ସେହି ସମୟରେ ୩ ଜଣ ପିଲା ଗାଧୋଇବାକୁ ନଦୀରେ ପଶିଥିଲେ। ହେଲେ ନଦୀ ସ୍ରୋତରେ ଭାସି ଯାଇଥିଲେ। ସେଠାରେ ଗାଧୋଉଥିବା ଜଣେ ସମ୍ପର୍କୀୟ ଅଜା ଲୋକମାନଙ୍କୁ ଡାକ ପକାଇଥିଲେ। ସେହି ସମୟରେ ସେଠାରେ ମାଛ ଧରୁଥିବା ଜଣେ ପିଲା ଠାରୁ ବୋତଲ ସୂତି ଆଣି ପକାଇ ଦୁଇ ଜଣଙ୍କୁ ଉଦ୍ଧାର କରିଥିଲେ। ହେଲେ ଆଉ ଜଣେ ନାବାଳିକା ଏବେବି ନିଖୋଜ ଅଛନ୍ତି। ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି।