ଗଞ୍ଜେଇ ନେଉଥିବା ଅଭିଯୋଗରେ ରାଇକିଆ ପୁଲିସ ଭୁବନେଶ୍ୱର ଯାଉଥିବା ବେଲୁନ୍ ନାମକ ଏକ ଘରୋଇ ବସ୍‌କୁ ଧରିବାରେ ସଫଳ ହୋଇଛି । ବସ୍‌ରୁ ମୋଟ ୨୦ କେଜି ୧୫୦ ଗ୍ରାମ ଗଞ୍ଜେଇ ଜବତ ହୋଇଥିବା ବେଳେ ବସ୍ କର୍ମଚାରୀଙ୍କୁ ଗିରଫ କରିଛି ପୁଲିସ ।

ସୂଚନା ମୁତାବକ, ବେଲୁନ୍ ନାମକ ଏକ ଘରୋଇ ବସ୍‌ରେ ଗଞ୍ଜେଇ ରାଇକିଆରୁ ଭୁବନେଶ୍ୱର ଯାଉଥିଲା । ଏସମ୍ପର୍କରେ ଖବର ପାଇ ପୁଲିସ ଉକ୍ତ ବସ୍‌ଟିରୁ ଅଟକାଇଥିଲା । ଗଞ୍ଜେଇ ନେଉଥିବା ନେଇ କୌଣସି ଯାତ୍ରୀ ଧରା ପଡ଼ି ନଥିବାରୁ ପୁଲିସ ଗାଡ଼ିର କର୍ମଚାରୀଙ୍କୁ ଗିରଫ କରିଛି । ଖବର ପାଇ ଅତିରିକ୍ତ ତହସିଲଦାର ଦିଲ୍ଲୀପ ବେହେରା ଘଟଣା ସ୍ଥଳରେ ପହଞ୍ଚି ଗଞ୍ଜେଇକୁ ଜବତ କରିଥିଲେ ।