ନବରଙ୍ଗପୁର ଜିଲ୍ଲାର ପାପଡାହାଣ୍ଡି ବ୍ଲକ ଘାଟଗୁଡା ପଞ୍ଚାୟତର ସିରାଗୁଡା ଗାଁରେ ଆଉଥରେ ଦେଖା ଦେଲା ଜନନୀ ଯନ୍ତ୍ରଣାର ବିକଳ ଚିତ୍ର। ଗାଁକୁ ଯାଉଥିବା ରାସ୍ତା ଅତ୍ୟନ୍ତ ଖରାପ ଥିବାରୁ ଆମ୍ବୁଲାନ୍ସ ଗର୍ଭବତୀଙ୍କ ଘର ପର୍ଯ୍ୟନ୍ତ ପହଞ୍ଚିପାରିଲା ନାହିଁ।
ଏହି ଅବସ୍ଥାରେ ୯ ମାସର ଗର୍ଭବତୀ ଶ୍ରୀଦେବୀ ଗୌଡ଼ଙ୍କୁ ତାଙ୍କ ପରିବାର ଲୋକେ ଦୁଇ କିଲୋମିଟର ଖଟିଆରେ ବୋହି ଆମ୍ବୁଲାନ୍ସ ପାଖକୁ ନେଇଯିବାକୁ ବାଧ୍ୟ ହୋଇଥିଲେ । ପରେ ସେଠାରୁ ତାଙ୍କୁ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟକୁ ନିଆଯାଇଥିଲା।
ଗାଁକୁ ଯାଇପାରୁନଥିବା ଆମ୍ବୁଲାନ୍ସ ଏବଂ ରାସ୍ତା ଅଭାବରେ ଗର୍ଭବତୀ ଓ ନବଜାତଙ୍କ ଦୁଃଖ ନବରଙ୍ଗପୁରର ଗ୍ରାମୀଣ ବିକାଶର ଦୁର୍ଦ୍ଦଶାକୁ ଆଉଥରେ ସ୍ପଷ୍ଟ କରିଦେଇଛି।