ଖୋଲିଲା କଳିଙ୍ଗା ଘାଟି । କଳିଙ୍ଗା ଘାଟିର ଉଭୟ ପାର୍ଶ୍ଵରୁ ହଟିଲା ବ୍ୟାରିକେଡ । ତ୍ବରାନିତ କରାଗଲା ଘାଟିରେ ଜାରି ରାସ୍ତା ନିର୍ମାଣ କାର୍ଯ୍ୟ । ଗଞ୍ଜାମ- କନ୍ଧମାଳ ସୀମାନ୍ତ କଳିଙ୍ଗା ଘାଟିର ଉଭୟ ପାର୍ଶ୍ଵରୁ ବ୍ୟାରିକେଡ ହଟାଯାଇଛି । ବାତ୍ୟା ମୋନ୍ଥା ପ୍ରଭାବରେ ହେଉଥିବା ବର୍ଷା ପାଇଁ ଯାତାୟାତ ବନ୍ଦ ଥିଲା । ଦୁର୍ଗାପ୍ରସାଦ ଏବଂ ଉପରମୁଣ୍ଡରେ ରହିଥିବା କନ୍ଧମାଳ ଜିଲ୍ଲାର କଳିଙ୍ଗା ଠାରେ ବ୍ୟାରିକେଡ଼ କରି ଘାଟି ରାସ୍ତାକୁ ସିଲ୍ କରାଯାଇଥିଲା । ବର୍ଷା କମିବା ପରେ ଏବେ ଉଭୟ ପାର୍ଶ୍ବରୁ ବ୍ୟାରିକେଡ଼କୁ ହଟାଇ ଦିଆଯାଇଛି । ଘାଟି ରାସ୍ତା ନିର୍ମାଣ କାର୍ଯ୍ୟକୁ ତ୍ବରାନିତ କରାଯାଇଛି । ଏବେ ବି ଘାଟି ରାସ୍ତାରୁ ବିପଦ ଟଳିନଥିବା ବେଳେ କିଛି ଛୋଟ ଛୋଟ ଗାଡ଼ି ଚଳପ୍ରଚଳ କରୁଥିବା ନଜରକୁ ଆସୁଛି । ଯାନ ଚଳାଚଳ କରିବାକୁ ଏପର୍ଯ୍ୟନ୍ତ ଉଭୟ ଜିଲ୍ଲା ପ୍ରଶାସନ ପକ୍ଷରୁ କୌଣସି ସ୍ପଷ୍ଟ କରାଯାଇନାହିଁ ।
ସେପଟେ ଗତ ସେପ୍ଟେମ୍ବର୧୬ ତାରିଖରେ ଭୂସ୍ଖଳନ ପରଠାରୁ କନ୍ଧମାଳ ଓ ଗଞ୍ଜାମକୁ ଯାତାୟାତ ଠପ ହୋଇଥିଲା । ଦୀର୍ଘ ୪୭ ଦିନ ପରେ ରାସ୍ତା ସଂଯୋଗ ହୋଇଥିବା ବେଳେ ପରୀକ୍ଷାମୂଳକ ଭାବେ କିଛି ଛୋଟ ଗାଡ଼ିଗୁଡ଼ିକୁ ଛଡ଼ାଯାଉଛି । ଜିଲ୍ଲାପାଳଙ୍କ ନିର୍ଦ୍ଦେଶ ପରେ ପରବର୍ତ୍ତୀ ସମୟରେ ଭାରୀ ଯାନ ଛଡାଯିବ ବୋଲି ସୂଚନା ରହିଛି । ପ୍ରଶାସନ ପକ୍ଷରୁ କଳିଙ୍ଗା ଘାଟିରେ ଯାନବାହାନ ଚଳାଚଳ ପାଇଁ କେବେ ଅନୁମତି ମିଳୁଛି ତାକୁ ଅପେକ୍ଷା ।