ନୂଆପଡ଼ା ଉପନିର୍ବାଚନ ସମୟରେ ନିର୍ବାଚନ ଆଚରଣ ବିଧି ଉଲ୍ଲଂଘନ କରିଥିବା ଅଭିଯୋଗରେ ଲୋକସମ୍ପର୍କ ବିଭାଗର ଅଧିକାରୀ ତନୁଜା ମହାନ୍ତିଙ୍କୁ ନିର୍ବାଚନ କମିଶନ ନିଲମ୍ବନ କରିଛନ୍ତି। ଅଭିଯୋଗ ଅନୁସାରେ, ତାଙ୍କ ପକ୍ଷରୁ ଆଚରଣ ବିଧି ମାନଦଣ୍ଡ ଉଲ୍ଲଂଘନ ହୋଇଥିଲା ବୋଲି ଜଣାପଡ଼ିଛି।
ନିର୍ବାଚନ କମିଶନ ତାଙ୍କୁ ତତ୍କାଳ ପ୍ରଭାବରେ ନିଲମ୍ବିତ କରି ରାଜ୍ୟ ମୁଖ୍ୟାଳୟ ଭୁବନେଶ୍ୱରରେ ରହିବାକୁ ନିର୍ଦ୍ଦେଶ ଦେଇଛି। ଏହାସହିତ, ନିଲମ୍ବନ ଅବଧିରେ ବିନା ଅନୁମତି ମୁଖ୍ୟାଳୟ ଛାଡ଼ିବାକୁ ମନା କରାଯାଇଛି।
ନିର୍ବାଚନ କମିଶନ ସୂତ୍ର ଅନୁସାରେ, ଏହି ପଦକ୍ଷେପ ନିଆଯାଇଛି ଯାହା ଆଗାମୀ ନିର୍ବାଚନ ପ୍ରକ୍ରିୟାକୁ ସଫଳ ଏବଂ ନିଷ୍ପକ୍ଷ ଭାବେ ଚାଲିବାକୁ ସୁନିଶ୍ଚିତ କରିବ।