ସି ଜିନପିଙ୍ଗଙ୍କ ସହ ବୈଠକ ଆମେରିକା-ଚୀନ ସମ୍ପର୍କରେ ଏକ ନୂତନ ଆରମ୍ଭ ବୋଲି କହିଛନ୍ତି ଆମେରିକା ରାଷ୍ଟ୍ରପତି । ଡୋନାଲ୍ଡ ଟ୍ରମ୍ପ ଗୁରୁବାର ଚୀନ୍ ରାଷ୍ଟ୍ରପତି ସି ଜିନପିଙ୍ଗଙ୍କ ସହ ଏକ ବ୍ୟାପକ ଅର୍ଥନୈତିକ ଏବଂ ବାଣିଜ୍ୟ ବୁଝାମଣା ଘୋଷଣା କରିଛନ୍ତି । ଯେଉଁଥିରେ ଶୁଳ୍କରେ ୧୦% ହ୍ରାସ, ସୋୟାବିନ୍ କ୍ରୟର ପୁନଃ ଆରମ୍ଭ । ବୁସାନରେ ଜିନପିଙ୍ଗଙ୍କ ସହ ୨ ଘଣ୍ଟାରୁ ଅଧିକ ସମୟ ଧରି ଗୁପ୍ତ ଆଲୋଚନା ପରେ ଟ୍ରମ୍ପ ଘୋଷଣା କରିଥିଲେ ଯେ, ଏକାଧିକ ନିଷ୍ପତ୍ତି ନିଆଯାଇଛି ଏବଂ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବିଷୟଗୁଡ଼ିକ ଉପରେ ନିଷ୍କର୍ସ ଖୁବଶୀଘ୍ର ପ୍ରକାଶିତ ହେବ ।
“ଯାହା ସବୁ ଆଲୋଚନା ହୋଇଥିଲା, ମୁଁ କହିବିନି,” ବୋଲି ଟ୍ରମ୍ପ ସାମ୍ବାଦିକମାନଙ୍କୁ କହିଥିଲେ । “କିନ୍ତୁ ଏହା ଏକ ଆଶ୍ଚର୍ଯ୍ୟଜନକ ବୈଠକ ଥିଲା । ଆମେ ସହମତ ହୋଇଥିଲୁ ଯେ, ରାଷ୍ଟ୍ରପତି ଜିନପିଙ୍ ଫେଣ୍ଟାନିଲ୍ ବନ୍ଦ କରିବା ପାଇଁ କଠିନ ପରିଶ୍ରମ କରିବେ, ସୋୟାବିନ୍ କ୍ରୟ ତୁରନ୍ତ ଆରମ୍ଭ ହେବ ଏବଂ ଚୀନ୍ ଉପରେ ଶୁଳ୍କ ୫୭% ରୁ ୪୭%କୁ ହ୍ରାସ କରାଯିବ ।”