ରେଳ ଧାରଣାରୁ ଯୁବକଙ୍କ ମୁଣ୍ଡ ବିହୀନ ମୃତଦେହ ଉଦ୍ଧାର। ବାଙ୍ଗିରିପୋଷି ଥାନା ବୁଢାମାରା ରେଳ ଷ୍ଟେସନ ନିକଟରୁ ଜଣେ ଅଚିହ୍ନା ଯୁବକଙ୍କ ମୃତଦେହ ଉଦ୍ଧାର ହୋଇଛି। ଘଟଣାସ୍ଥଳରେ ବାରିପଦା ଆରପିଏଫ ପୁଲିସ ପହଞ୍ଚି ଶବ ଜବତ କରିବା ସହ ତଦନ୍ତ ଆରମ୍ଭ କରିଛି।
ସୂଚନାନୁଯାୟୀ, ବାଙ୍ଗିରିପୋଷି ଥାନା ବୁଢାମାରା ରେଳ ଷ୍ଟେସନ ନିକଟରେ ଏକ ମୃତଦେହ ପଡ଼ିଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ। ଏନେଇ ପୁଲିସକୁ ଖବର ଦେଇଥିଲେ। ଘଟଣାସ୍ଥଳରେ ବାରିପଦା ଆରପିଏଫ ପୁଲିସ ପହଞ୍ଚି ଶବ ଜବତ କରିଥିଲା। ରେଳ ଧାରଣାରେ ମୃତଦେହ ପଡ଼ିଥିବା ବେଳେ ନିକଟରେ ମୁଣ୍ଡ ନଥିଲା। ଦୀର୍ଘ ଦଶ ଘଣ୍ଟା ପରେ ଦଶ ମିଟର ଦୂରରୁ ମୁଣ୍ଡ ମିଳିଥିଲା। ତେବେ ଯୁବକଙ୍କ ପରିଚୟ ଅସ୍ପଷ୍ଟ ରହିଛି। ମୃତକଙ୍କ ବୟସ ପ୍ରାୟ ୨୫ ବର୍ଷ ହୋଇଥିବା ଅନୁମାନ କରାଯାଉଛି। ଟ୍ରେନ୍ରେ କଟି ମୃତ୍ୟୁ ହୋଇଛି ନା ହତ୍ୟା କରାଯାଇଛି ତାହା ଅସ୍ପଷ୍ଟ ରହିଛି। ରେଳ ଲାଇନ କଡରେ ଏକ ବ୍ୟାଗ୍ ଓ ଚପଲ ପଡିଛି। ଅଧିକ ତଦନ୍ତ ପରେ ପରିଚୟ ମିଳିପାରେ ବୋଲି ଆରପିଏଫ ଏଏସଆଇ କହିଛନ୍ତି।