ପୀତବାସ ପଣ୍ଡା ହତ୍ୟା ମାମଲା ନେଇ ନୂଆ ତଥ୍ୟ ଆସିଛି । ଅଭିଯୁକ୍ତ ବିକ୍ରମ ପଣ୍ଡାଙ୍କ ପକ୍ଷରେ ୪୪ ଜଣ ଓକିଲ କୋର୍ଟରେ ଓକିଲାତିନାମା ଦାଖଲ କରିଛନ୍ତି । ଏହି ମାମଲାର ଅନ୍ୟତମ ଅଭିଯୁକ୍ତ ସୁଦର୍ଶନ ଜେନା ଆତ୍ମସମର୍ପଣ ପରେ ପଚରାଉଚରା ହେବା ପରେ ଛାଡ଼ ପାଇଛନ୍ତି । ତାଙ୍କୁ ଅନ୍ୟ ତାରିଖରେ ହାଜର ହେବାକୁ ନୋଟିସ ଜାରି ହୋଇଛି ବୋଲି ପୋଲିସ ସୂଚନା ଦେଇଛି ।
ଅନ୍ୟପଟେ, ଜେଲ ଭିତରେ ସୁରକ୍ଷା ଆଶଙ୍କା ଦୃଷ୍ଟିରୁ ପୂର୍ବତନ ମେୟର ଶିବଶଙ୍କର ଦାଶଙ୍କୁ ବ୍ରହ୍ମପୁରରୁ ଫୁଲବାଣୀ କାରାଗାରକୁ ସ୍ଥାନାନ୍ତର କରିବା ପାଇଁ ଜେଲ ଅଧିକାରୀ ଙ୍କ ପକ୍ଷରୁ SDJM କୋର୍ଟରେ ପିଟିସନ ଦାଖଲ ହୋଇଛି ।
ଏହି ମାମଲାରେ ଗିରଫ ସଂଖ୍ୟା ୧୩କୁ ପହଞ୍ଚିଛି । ଗତକାଲି ସୁନୀଲ ହୋତାଙ୍କୁ କୋର୍ଟ ଚାଲାଣ କରାଯାଇଥିଲା । ଏହି ଘଟଣାସହ ଜଡିତ ଜଣେ ପୁରୁଣା ଅପରାଧୀଙ୍କ ଭାଇ ମଧ୍ୟ ପୋଲିସ ସ୍କାନରରେ ରହିଛି ।