ଆଇନଜୀବୀ ପୀତବାସ ପଣ୍ଡା ହତ୍ୟା ମାମଲାରେ ତଦନ୍ତ ଗତି ବଢିଛି। ବ୍ରହ୍ମପୁର ପୋଲିସ ଏବେ ୭ ଜଣ ସନ୍ଦେହଭାଜନଙ୍କୁ ଜେରା କରୁଛି। ଗତକାଲି ୧୧ ଜଣଙ୍କୁ ଜେରା କରାଯାଇଥିଲା, ଯେଉଁଥିରୁ ୪ ଜଣଙ୍କୁ ରାତିରେ ଛାଡିଦିଆଯାଇଛି।
ପୋଲିସ ରିଜର୍ଭ କାର୍ଯ୍ୟାଳୟରେ ଚାଲୁଥିବା ଏହି ଜେରାରେ ବିହାରରୁ ଆଣାଯାଇଥିବା ୩ ଅଭିଯୁକ୍ତ ସହିତ ଅନ୍ୟ ରାଜ୍ୟର କିଛି ବ୍ୟକ୍ତି ମଧ୍ୟ ଅଛନ୍ତି। ଦିଲ୍ଲୀ, ପଶ୍ଚିମ ବଙ୍ଗ ଓ ଆନ୍ଧ୍ରପ୍ରଦେଶରୁ ମଧ୍ୟ ସନ୍ଦେହରେ ଅନେକଙ୍କୁ ଆଣିଛି ପୋଲିସ।
ତଦନ୍ତ ସମୟରେ ଏକ UPI ଲିଙ୍କ ମାଧ୍ୟମରେ ବିହାରୀ ଅଭିଯୁକ୍ତଙ୍କ ସନ୍ଦେହ ଜୋରଦାର ହୋଇଥିଲା। ହତ୍ୟା ପୂର୍ବରୁ ସେ ଜଣେ ବିହାରୀ ନିଜ ଘରକୁ ରିଚାର୍ଜ ଦୋକାନ ମାଧ୍ୟମରେ ଟଙ୍କା ପଠାଇଥିଲେ, ଯାହା ଆଧାରରେ ପୋଲିସ ବିହାରରେ ଛାପା ମାରିଥିଲା।
ପୋଲିସ ଏବେ ମାଷ୍ଟରମାଇଣ୍ଡ ନିକଟକୁ ପହଞ୍ଚିବା ପାଇଁ ତିବ୍ର ଜେରା ଜାରି ରଖିଛି। ଜେରା ପରେ ଯେଉଁମାନଙ୍କ ହତ୍ୟାକାଣ୍ଡ ସହ ସମ୍ପୃକ୍ତି ଜଣାପଡିବ, ସେମାନଙ୍କୁ କୋର୍ଟ ଚାଲାଣ କରାଯିବ ବୋଲି ପୋଲିସ ସୂଚନା ଦେଇଛି।