ଜଗତସିଂହପୁର : କୋଣାର୍କରୁ ଅପହୃତ ଜଣେ ଯୁବକଙ୍କୁ ପାରାଦୀପ ଲକ୍ ଥାନା ଅଞ୍ଚଳରୁ ଉଦ୍ଧାର କରିଛି ପୁଲିସ | ଲକ୍ ଥାନା ଅଧୀନ ପାରାଦୀପଗଡ ନିକଟରୁ ଉଦ୍ଧାର କରିଛି କୋଣାର୍କ ପୁଲିସର ଏକ ସ୍ଵତନ୍ତ୍ର ଟିମ । ମିଳିଥିବା ସୂଚନା ଅନୁସାରେ, ଗତକାଲି କୋଣାର୍କ ଅଞ୍ଚଳରୁ ଚାରି ଜଣ ଦୃର୍ବୁତ୍ତ ଜୟ ଚକ୍ରବର୍ତ୍ତୀ ନାମକ ଜଣେ ଯୁବକଙ୍କୁ ଜୋର୍ ଜବରଦସ୍ତି ଏକ ଗାଡ଼ିରେ ଅପହରଣ କରି ନେଇଥିଲେ। ତେବେ ଏହାକୁ ନେଇ ଜୟଚକ୍ରବର୍ତୀ ର ସାଙ୍ଗମାନେ କୋଣାର୍କ ଥାନାରେ ଏ ନେଇ ଅଭିଯୋଗ ପାଇବା ପରେ କୋଣାର୍କ ଥାନାର ଏକ ସ୍ବତନ୍ତ୍ର ଟିମ୍ ବିଭିନ୍ନ ସ୍ଥାନରେ ଚଢଉ କରିଥିଲେ। ତେବେ ଆଜି କୌଣସି ସୁତ୍ରରୁ ଖବର ପାଇ ପାରାଦୀପ ଲକ୍ ଥାନା ଅଧୀନସ୍ଥ ପାରାଦୀପ ଗଡ ନିକଟରୁ ଲକ୍ ଥାନା ପୋଲିସ ସହଯୋଗରେ କୋଣାର୍କ ପୋଲିସର ଏକ ସ୍ଵତନ୍ତ୍ର ଟିମ ଅପହୃତ ହୋଇଥିବା ଯୁବକକୁ ଉଦ୍ଧାର କରିବା ସହିତ ଚାରି ଜଣଙ୍କୁ ଗିରଫ କରି ସାଙ୍ଗରେ ନେଇଯାଇଥିବା ସୂଚନା ମିଳିଛି।