ନୂଆ ଷ୍ଟାଇଲରେ ଗଞ୍ଜେଇ ଚାଲାଣ । ଦେହ ସାରା ଷ୍ଟିକର ମାରି କରୁଥିଲେ ଗଞ୍ଜେଇ ଚାଲାଣ । ଖବର ପାଇ ମାଡ଼ି ବସିଲା ପୁଲିସ । ଏହି ଘଟଣାରେ ୬ଜଣଙ୍କୁ ଗିରଫ କରାଯାଇଛି । ସେମାନେ ହେଉଛନ୍ତି ଆରିପିଏଫ ମଧ୍ୟପ୍ରଦେଶର ଗଜାନନ ବହଲେରାଓ, ସଞ୍ଜୁ ଶର୍ମା, ରାହୁଲ ଶର୍ମା, ସେବକ ରାମ ଶର୍ମା, ଦଳଚାନ୍ଦ ଶର୍ମା, ରାଜେଶ ଶର୍ମା। ତାଙ୍କ ନିକଟରୁ ୨୨ କିଲୋ ୯୨୦ ଗ୍ରାମ ଗଞ୍ଜେଇ ଜବତ କରିଛି ଟିଟିଲାଗଡ଼ ଆରବିଏଫ ।
ସୂଚନା ମୁତାବକ, ଟିଟିଲାଗଡ଼ ରେଳ ଷ୍ଟେସନର ଦେଇ କିଛି ମାଫିଆ ଗଞ୍ଜେଇ ଚୋରା ଚାଲାଣ କରୁଥିବା ନେଇ ରେଳବାଇ ପୁଲିସ ଷ୍ଟେସନ ଇନଚାର୍ଜ ଟିଟିଲାଗଡ଼ ସବ-ଇନିସପେକ୍ଟର ବିନୟ କୁମାର ଭୋଇ ବିଶ୍ୱସ୍ତସୂତ୍ରରୁ ସୂଚନା ପାଇଥିଲେ। ପରେ ଟିଟିଲାଗଡ଼ ରେଳ ଷ୍ଟେସନର ୧ନଂ ପ୍ଲାଟ୍ଫର୍ମ ରାସ୍ତା ଦେଇ ପଛପଟେ ପ୍ରବେଶ କରୁଥିବା ବେଳେ ୬ଜଣ ମାଫିଆ ଆରପିଏଫ୍ ଦେଖିଥିଲା। ସନ୍ଦେହ ହେବାରୁ ସେମାନଙ୍କୁ ଯାଞ୍ଚ କରାଯାଇଥିଲା । ଯାଞ୍ଚ କରିବା ବେଳେ ଗଞ୍ଜେଇ ଚାଲାଣର ନୂଆ ତରିକା ଦେଖିବାକୁ ପାଇଥିଲା ଆରପିଏଫ । ମାଫିଆ ମାନେ ଫିଲ୍ମ ଷ୍ଟାଇଲରେ ଗଞ୍ଜେଇ ଚାଲାଣ କରୁଥିଲେ । ପ୍ରତ୍ୟେକ ବ୍ୟକ୍ତି ଶରୀରରେ ଏକ କପଡ଼ା ବ୍ୟାଗ୍ ଷ୍ଟିକର ସାହାଯ୍ୟରେ ବାଇଣ୍ଡିଂ କରି ସେଥିରେ ଗଞ୍ଜେଇ ଭର୍ତ୍ତି କରିଥିଲେ । ଏହି ଗଞ୍ଜେଇ ରାୟପୁର ଦେଇ ଭୋପାଳକୁ ଚାଲାଣ ହେଉଥିବା ଜଣାପଡ଼ିଛି । ପୁଲିସ ୨୨କିଲୋ ୯୨୦ ଗ୍ରାମ ଗଞ୍ଜେଇ ଜବତ କରିଛି । ଯାହାର ଆନୁମାନିକ ମୂଲ୍ୟ ୨,୨୨,୦୦୦ ଟଙ୍କା ହେବ ବୋଲି ଅବକାରୀ ବିଭାଗ ସୂଚନା ଦେଇଛି।