ଜଣେ ନବଜାତ ଶିଶୁ ପୁତ୍ରର ମୃତଦେହ ଉଦ୍ଧାର ହୋଇଛି । ଭଦ୍ରକ ଛପୁଳିଆ ପୋଲ ତଳ ନୟନଯୋରୀରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି । କିଏ ଏବଂ କାହିଁକି ଏପରି କରିଛି, ତାହା ବର୍ତ୍ତମାନ ଅସ୍ପଷ୍ଟ ରହିଛି ।
ସୂଚନା ମୁତାବକ, ଶନିବାର ସକାଳୁ ନବଜାତ ଶିଶୁଟି ପାଣିରେ ଭାସୁଥିବା ସ୍ଥାନୀୟଲୋକ ଦେଖିଥିଲେ । ଖବର ପ୍ରଘଟ ହେବା ପରେ ଉକ୍ତ ସ୍ଥାନରେ ଲୋକ ରୁଣ୍ଡ ହୋଇଥିଲେ । ମୃତଦେହଟି ସଦ୍ୟ ନବଜାତକ ବୋଲି ସ୍ଥାନୀୟଲୋକ ପ୍ରକାଶ କରିଛନ୍ତି । ତେବେ କିଏ ଏବଂ କାହିଁକି ଉକ୍ତ ସ୍ଥାନରେ ମୃତଦେହ ପକାଇଲା, ତାକୁ ନେଇ ଚର୍ଚ୍ଚା ବଢିଛି । ଏସମ୍ପର୍କରେ ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ମୃତଦେହ ଉଦ୍ଧାର କରିଛି ।
ତେବେ ସ୍ଥାନୀୟ ଅଞ୍ଚଳରେ ଅନେକ ଘରୋଇ ନର୍ସିଂ ହୋମ୍ ରହିଛି । ପିଲା ଜନ୍ମ ପରେ ମୃତ ବୋଲି ଜଣା ପଡିବା ପରେ କେହି ଏଭଳି କରିଥାଇ ପାରନ୍ତି ବୋଲି ଆଲୋଚନା ହେଉଛି । ଏହା ପଛରେ ଅନ୍ୟ କିଛି କାରଣ ଥାଇପାରେ ବୋଲି ମଧ୍ୟ ଚର୍ଚ୍ଚା ହେଉଛି। ଭଦ୍ରକ ସହରରେ ନିୟମିତ ଭାବରେ ଏଭଳି ଘଟଣା ଘଟୁଛି । ତେଣୁ ପୁଲିସ ଏହାର ତଦନ୍ତ କରି ସତ ସାମ୍ନାକୁ ଆଣିବାକୁ କରିବାକୁ ଦାବି ହେଉଛି ।