ଠାକୁରଙ୍କୁ ବି ଛାଡ଼ିଲେନି ଦୁର୍ବୃତ୍ତ । ଗୋଟିଏ ରାତିରେ ୩ଟି ମନ୍ଦିରରୁ ସିରିଜ୍ ଲୁଟ୍ । ଗଞ୍ଜାମ ଜିଲ୍ଲା କେ ନୁଆଁଗାଁ ଥାନା ଅଞ୍ଚଳର ୩ଟି ମନ୍ଦିରରୁ ଗହଣା ଓ ଟଙ୍କା ଲୁଟି ନେଲେ ଦୁର୍ବୃତ୍ତ । କେ.ନୂଆଗାଁ ଶିବ ମନ୍ଦିର ପରିସରରେ ଥିବା ଭାଗବତ ଗାଦୀ, କୃଷ୍ଣପୁର ବାଲୁଙ୍କେଶ୍ୱର ଶିବ ମନ୍ଦିର ଏବଂ ଘୋଡାଦେଇ ମନ୍ଦିରର ଦାନ ହୁଣ୍ଡୀ ଭାଙ୍ଗି ସମସ୍ତ ଟଙ୍କା ଲୁଟି ଚମ୍ପଟ ମାରିଛନ୍ତି ଦୁର୍ବୃତ୍ତ । ସକାଳୁ କିଛି ସ୍ଥାନୀୟ ଲୋକ ଓ ପୂଜକ ମନ୍ଦିରରୁ ଲୁଟ୍ ହୋଇଥିବା ଦେଖି ପୋଲିସକୁ ଖବର ଦେଇଥିଲେ । ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।