ଦୀପାବଳିରେ ବାଣ ଫୁଟାଇବା ବେଳେ ଅଘଟଣ। ହାତରେ ବାଣ ଫୁଟିଯିବାରୁ ନାବାଳକ ଗୁରୁତର। ଗୁରୁତର ଅବସ୍ଥାରେ ନାବାଳକଙ୍କୁ ଉଦ୍ଧାର କରି ଆନନ୍ଦପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି। ତେବେ କେନ୍ଦୁଝର ଜିଲ୍ଲା ଘଷିପୁରା ଥାନା କଇନିପୁରା ଗ୍ରାମରୁ ଏହି ଘଟଣା ସାମ୍ନାକୁ ଆସିଛି।
ସୂଚନା ମୁତାବକ, କଇନିପୁରା ଗ୍ରାମର ଚକ୍ରଧର ପାତ୍ରଙ୍କ ପୁଅ ହାତରେ ବାଣ ଧରିଥିବା ବେଳେ ତାଙ୍କ ସାଙ୍ଗ ଜଣେ ବାଣରେ ନିଆଁ ଲଗାଇ ଦେଇଥିଲେ। ଫଳରେ ବାଣଗୁଡ଼ିକ ହାତରେ ଫୁଟି ଯିବାରୁ ଚକ୍ରଧରଙ୍କ ପୁଅ ଗୁରୁତର ଆହତ ହୋଇଥିଲେ।ଏନେଇ ତାଙ୍କୁ ତୁରନ୍ତ ପରିବାର ଲୋକେ ଆନନ୍ଦପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରିଥିବା ବେଳେ ଚିକିତ୍ସା ଜାରି ରହିଛି।