ସୁପ୍ରିମକୋର୍ଟରେ ମୁଖ୍ୟ ବିଚାରପତି ବି.ଆର୍ ଗଭାଇଙ୍କ ଉପରେ ହୋଇଥିବା ଆକ୍ରମଣ ଘଟଣାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିନ୍ଦା କରିଛନ୍ତି। ଏକ୍ସରେ ସେ ଲେଖିଛନ୍ତି, “ଏହି ଆକ୍ରମଣ ପ୍ରତ୍ୟେକ ଭାରତୀୟଙ୍କୁ କ୍ଷୁବ୍ଧ କରିଛି। ଆମ ସମାଜରେ ଏପରି ନିନ୍ଦନୀୟ କାର୍ଯ୍ୟ ପାଇଁ କୌଣସି ସ୍ଥାନ ନାହିଁ।”
ମୋଦି ମୁଖ୍ୟ ବିଚାରପତିଙ୍କ ଧୈର୍ଯ୍ୟ ଓ ସଂଯମକୁ ପ୍ରଶଂସା କରି କହିଛନ୍ତି, “ଏହା ନ୍ୟାୟର ମୂଲ୍ୟବୋଧ ଓ ସମ୍ବିଧାନ ପ୍ରତି ତାଙ୍କ ପ୍ରତିବଦ୍ଧତାର ପ୍ରତିକ।”
ଘଟଣା ସମୟରେ ଜଣେ ବୟସ୍କ ଓକିଲ ରାକେଶ କିଶୋର ମୁଖ୍ୟ ବିଚାରପତିଙ୍କ ଦିଗକୁ ଜୋତା ଫିଙ୍ଗିଥିଲେ, ଯାହା ବେଞ୍ଚ ପାଖକୁ ପହଞ୍ଚିନଥିଲା। ସୁରକ୍ଷାକର୍ମୀ ତୁରନ୍ତ ତାଙ୍କୁ ଧରି ବାହାରକୁ ନେଇଥିଲେ। ଘଟଣାବେଳେ ସେ “ସନାତନ ଧର୍ମର ଅପମାନ ସହିବେ ନାହିଁ” ବୋଲି ଚିତ୍କାର କରିଥିଲେ।
ଦିଲ୍ଲୀ ପୋଲିସ ତାଙ୍କୁ ୩ ଘଣ୍ଟା ଜେରା ପରେ ଛାଡ଼ି ଦେଇଥିଲା, କାରଣ କୌଣସି ଅଭିଯୋଗ ଦାୟର ହୋଇନଥିଲା। ଯାହାପରେ ବାର୍ କାଉନସିଲ୍ ଅଫ୍ ଇଣ୍ଡିଆ ରାକେଶଙ୍କୁ ତୁରନ୍ତ ନିଲମ୍ବିତ କରି ୧୫ ଦିନ ମଧ୍ୟରେ କାରଣ ଦର୍ଶାଇବାକୁ ନିର୍ଦ୍ଦେଶ ଜାରି କରିଛି ।