OpenAIର ଲୋକପ୍ରିୟ ଆପ୍, ChatGPT, ଏବେ କେବଳ ଏକ ଚାଟବଟ୍ ଆପ୍ ନୁହେଁ, କମ୍ପାନୀ ଏହାକୁ ଏକ ସୁପର୍ ଆପ୍ କରିବାକୁ ପ୍ରସ୍ତୁତ ହେଉଛି। ଜାଣି ଆଶ୍ଚର୍ଯ୍ୟ ହେବେ ଯେ ChatGPT ମାଧ୍ୟମରେ ଆପଣଙ୍କ ବନ୍ଧୁମାନଙ୍କ ସହିତ କଥା ହୋପାରିବେ ତାହା ନୁହେଁ, ଏହା ବ୍ୟତୀତ, ଆପଣ ଆପ୍ ରୁ ସପିଂ କରିକି ପେମେଣ୍ଟ ମଧ୍ୟ କରିପାରିବେ। କିନ୍ତୁ ଆସନ୍ତୁ ଜାଣିବା କମ୍ପାନୀ କିପରି ଏବଂ କ’ଣ କରିବାକୁ ଯୋଜନା କରୁଛି।
ସୁପର ଆପ୍ର ସବୁଠାରୁ ବଡ଼ ଉଦାହରଣ ହେଉଛି WeChat, ଯାହାକି ଚୀନ୍ର ସୁପର ଆପ୍। ଏହା ଥରେ ଭାରତରେ ବହୁତ ଲୋକପ୍ରିୟ ଥିଲା, କିନ୍ତୁ ଯେତେବେଳେ ଚୀନ୍ର ଆପ୍ଗୁଡ଼ିକ ବ୍ୟାନ୍ କରାଯାଇଥିଲା ସେତେବେଳେ ଏହା ମଧ୍ୟ ବ୍ୟାନ୍ କରାଯାଇଥିଲା। WeChat ରେ ଗୋଟିଏ ସ୍ଥାନରେ ପ୍ରାୟ ସବୁ ଜିନିଷ ମିଳିଥାଏ। ଚାଟିଂ, କଲ୍, ମିଟିଂ ଠାରୁ ଆରମ୍ଭ କରି ସପିଂ କିମ୍ବା ଟିକେଟ୍ ବୁକ୍ କରିବା ପର୍ଯ୍ୟନ୍ତ – ସବୁକିଛି ପାଇଁ ଗୋଟିଏ ଆପ୍ରେ ଅଛି। ସେହିପରି, Elon Musk ବହୁତ ଦିନ ଧରି X ନାମକ ଏକ ସୁପର ଆପ୍ ଉପରେ କାମ କରୁଛନ୍ତି, କିନ୍ତୁ ଏପର୍ଯ୍ୟନ୍ତ ତାଙ୍କୁ ସଫଳତା ମିଳିନାହିଁ। ChatGPT ଏଠାରେ ବାଜିମାତ୍ କରିବ କି ନାହିଁ ତାହା ଦେଖିବାର ଅଛି ?
ChatGPT ୟୁଜର ବର୍ତ୍ତମାନ ଆପ୍ରେ Booking.com, Spotify ଏବଂ Canva ଭଳି ଟୁଲ୍ସ ଆକ୍ସେସ୍ କରିପାରିବେ, ହୋଟେଲ ବୁକିଂ ଏବଂ ରିଅଲ୍ ଇଷ୍ଟେଟ୍ ଇନକ୍ବାରୀ କରିପାରିବେ। ନିକଟରେ Open AI ପକ୍ଷରୁ Apps SDK ଘୋଷଣା କରିଛି, ଏହା ଏକ ସଫ୍ଟୱେର୍ ଡେଭଲପମେଣ୍ଟ୍ କିଟ୍ ଯାହା ଡେଭଲପର୍ମାନଙ୍କୁ ChatGPT ସହିତ ସେମାନଙ୍କର ଆପ୍ସକୁ ଇଣ୍ଟିଗ୍ରେଟ୍ କରିବାକୁ ଅନୁମତି ଦିଏ। ଏହାର ଅର୍ଥ ହେଉଛି ୟୁଜରମାନେ ChatGPT ସହିତ କଥା ହୋଇ ଏକ ନିର୍ଦ୍ଦିଷ୍ଟ ଆପ୍ ସହିତ ଯୋଗାଯୋଗ କରିପାରିବେ। ଏହା ବ୍ୟତୀତ, ଡେଭଲପର୍ମାନେ ChatGPT ସହିତ କାମ କରୁଥିବା ଆପ୍ସ ତିଆରି କରିବା ପାଇଁ Apps SDK ମଧ୍ୟ ବ୍ୟବହାର କରିପାରିବେ।