ଦିଗପହଣ୍ଡି ରେଞ୍ଜ ସାନଖେମୁଣ୍ଡି ବ୍ଲକ ପାଟପୁର ସେକ୍ସନରେ ହାତୀପଲଙ୍କ ଉପଦ୍ରବ। ଜଙ୍ଗଲରୁ ଜନ ବସତି ମୁହାଁ ହେଉଛନ୍ତି ଚାରି ଟିକିଆ ହାତୀ ପଲ। ଯାହାକୁ ନେଇ ଭୟଭୀତ ଅବସ୍ଥାରେ ଅଛନ୍ତି ଅଞ୍ଚଳବାସୀ। ହାତୀ କବଳରୁ ଫସଲକୁ କିଭଳି ସୁରକ୍ଷା ଦେବେ ସେନେଇ ଚିନ୍ତାରେ ଚାଷୀକୂଳ। ଗତ କିଛି ଦିନ ତଳେ ପଳାସପୁର ଇନ୍ଦିରାବାସ ନୂଆଗଡ ଢେପାଗୁଡା ଠାରେ ବହୁ କଦଳୀ ଗଛ,ଆମ୍ବ ଗଛ, ପଣସ ଗଛ ଓ ଧାନ ଗଦା ଖାଇ ନଷ୍ଟ କରିଥିଲେ। ଚାଷ ଜମି ନିକଟରେ ଥିବା ଚାଷୀ ଙ୍କ ପାୱାର ଟିଲର , ପାଣି ପମ୍ପ ଓ ବିଛାଯାଇଥିବା ପାଇପକୁ କଚାଡି ନଷ୍ଟ କରିଥିଲେ ହାତୀପଲ।ତେବେ ଏହି ଚାରି ଟିକିଆ ହାତୀ ପଲର ଗତିବିଧି ଉପରେ ନଜର ରଖିଛି ବନ ବିଭାଗ ଟିମ୍ ! ରାତିରେ ପେଟ୍ରୋଲିଂକୁ ଜୋରଦାର କରାଯାଇଛି।