ବର୍ଷର ସବୁଠାରୁ ବଡ଼ ଚନ୍ଦ୍ର ବା ସୁପରମୁନ୍ ବୁଧବାର ରାତିରେ ସାରା ବିଶ୍ୱରେ ଦୃଶ୍ୟମାନ ହୋଇଛି । ଏହା ବର୍ଷର ଦ୍ୱିତୀୟ ସୁପରମୁନ୍। ଏହି ସମୟ ମଧ୍ୟରେ, ସାମାନ୍ୟଠାରୁ ଚନ୍ଦ୍ର ପ୍ରାୟ ୧୪ ଗୁଣ ବଡ଼ ଏବଂ ୩୦% ଅଧିକ ଉଜ୍ଜ୍ୱଳ ଦେଖାଯାଇଛି ।
ପୃଥିବୀ ଏବଂ ଚନ୍ଦ୍ର ମଧ୍ୟରେ ଦୂରତା ସବୁଠାରୁ କମ ଥାଏ ସେତେବେଳେ ଏକ ସୁପରମୁନ୍ ଦେଖିବାକୁ ମିଳେ । ଏହି ସମୟରେ ଚନ୍ଦ୍ର ବଡ଼ ଏବଂ ଉଜ୍ଜ୍ୱଳ ଦେଖାଯାଏ। ଏହା ପୃଥିବୀର ନିକଟତର ହେବା ପରି ଜଣାପଡ଼େ ।
ନଭେମ୍ବର ୫ ତାରିଖରେ ଚନ୍ଦ୍ର ପୃଥିବୀଠାରୁ ପ୍ରାୟ ୩୫୭,୦୦୦ କିଲୋମିଟର ଦୂରରେ ରହିଛି । ଏହା ଏକ ସାଧାରଣ ପୂର୍ଣ୍ଣିମା ଅପେକ୍ଷା ପ୍ରାୟ ୨୭ ହଜାର କିଲୋମିଟର ନିକଟତର। ସାଧାରଣତଃ, ଚନ୍ଦ୍ରର ପୃଥିବୀରୁ ଅଧିକତମ ଦୂରତା ୪୦୫,୦୦୦ କିଲୋମିଟର ଏବଂ ନିକଟତମ ଦୂରତା ୩୬୩, ୧୦୪ କିଲୋମିଟର ।
ସୁପରମୁନ୍ ହେଉଛି ଏକ ମହାଜାଗତିକ ଘଟଣା । ଯେଉଁଥିରେ ଚନ୍ଦ୍ର ତା’ର ସାଧାରଣ ଆକାର ଅପେକ୍ଷା ବଡ଼ ଦେଖାଯାଏ। ପ୍ରତିବର୍ଷ ତିନିରୁ ଚାରି ଥର ସୁପରମୁନ୍ ଦେଖାଯାଏ।
ସୁପରମୁନ୍ ଦେଖାଯିବାର କାରଣ ବହୁତ ରୋଚକ। ଏହି ସମୟ ମଧ୍ୟରେ, ଚନ୍ଦ୍ର ପୃଥିବୀକୁ ବହୁତ ନିକଟରୁ ପରିକ୍ରମା କରେ । ଯେତେବେଳେ ଚନ୍ଦ୍ର ପୃଥିବୀରୁ ଦୂରେଇଯାଏ, ଏହାକୁ ଏପୋଜି କୁହାଯାଏ। ଜ୍ୟୋତିଷ ରିଚାର୍ଡ ନୋଲ୍ ପ୍ରଥମେ ୧୯୭୯ ମସିହାରେ ସୁପରମୁନ୍ ଶବ୍ଦ ବ୍ୟବହାର କରିଥିଲେ।