ରୁଷିଆର ଦାଗେସ୍ତାନରେ ଏକ ଭୟାବହ ହେଲିକପ୍ଟର ଦୁର୍ଘଟଣା ଘଟିଛି । ଅଚି ସୁ ଗାଁ ନିକଟ କାସ୍ପିଆନ ସାଗର ଅଞ୍ଚଳରେ ଘଟିଥିବା ଏହି ଦୁର୍ଘଟଣାରେ ୫ ଜଣଙ୍କ ମୃତ୍ୟୁ ହୋଇଛି ଓ ୨ ଜଣ ଆହତ ହୋଇଛନ୍ତି ।
ସୂଚନା ଅନୁସାରେ, ହେଲିକପ୍ଟର ଅଚାନକ ଅନିୟନ୍ତ୍ରିତ ହୋଇ ତଳେ ମାଡ଼ ହେବା ପରେ ଆଉଥରେ ଉଠି ଯାଇ ଦୁର୍ଘଟଣାର ଶିକାର ହୋଇଥିଲା । ମୃତକଙ୍କ ମଧ୍ୟରେ ଇଲେକ୍ଟ୍ରୋ ମେକାନିକାଲ ପ୍ଲାଣ୍ଟର ୪ ଜଣ କର୍ମଚାରୀ ଓ ହେଲିକପ୍ଟରର ମେକାନିକ ସାମିଲ ରହିଛନ୍ତି । ମୃତକମାନଙ୍କ ମଧ୍ୟରେ ପ୍ଲାଣ୍ଟର ଡେପୁଟି ଜେନେରାଲ ଡାଇରେକ୍ଟର ମଧ୍ୟ ଥିଲେ ।
କମ୍ପାନୀ ପକ୍ଷରୁ ଜଣାଯାଇଛି ଯେ, ଏହି ହେଲିକପ୍ଟର ଦୁର୍ଘଟଣାର କାରଣ ଏଯାଏଁ ସ୍ପଷ୍ଟ ହୋଇନାହିଁ । ପ୍ରଥମେ ଏହା ପର୍ଯ୍ୟଟକଙ୍କୁ ନେଇ ଯାଉଥିବା ଖବର ଥିଲେ, ପରେ ଜଣାପଡିଥିଲା ଯେ ସେମାନେ ସେହି ପ୍ଲାଣ୍ଟର କର୍ମଚାରୀ ଥିଲେ ।
ଏହି ପ୍ଲାଣ୍ଟ ରକ୍ଷା ଉପକରଣ ତିଆରି କରୁଥାଏ ଓ ଏହା ଉପରେ ଆମେରିକା ପୂର୍ବରୁ ପ୍ରତିବନ୍ଧ ଲଗାଇଥିଲା ।
ଘଟଣାରେ ବ୍ୟବହୃତ KA-226 ହେଲିକପ୍ଟର ଏକ ଟ୍ବିନ ଇଂଜିନ ମୋଡେଲ ଯାହାରେ ୭ ଜଣ ଯାତ୍ରୀ ବସିପାରନ୍ତି । ଏହି ପ୍ରକାରର ହେଲିକପ୍ଟର ସାଧାରଣତଃ ପର୍ବତୀୟ ଅଞ୍ଚଳ ଏବଂ କଠିନ ପରିସ୍ଥିତିରେ ଚଳାଚଳ ପାଇଁ ବ୍ୟବହୃତ ହୁଏ