ତାଳଚେର ଘଣ୍ଟପଡା ଗାଁ ନିକଟ ପବିତ୍ରମୋହନ ସରକାରୀ ଚିକିତ୍ସାଳୟ ପାଖ ଦେଇ ଯାଇଥିବା ମୁଖ୍ୟ ରାସ୍ତା କଡରେ ଏକ ମଣିଷ ଖପୁରୀ ପଡିଥିବା ଅଞ୍ଚଳବାସୀ ଦେଖିବାକୁ ପାଇଥିଲେ । ତେବେ ଖପୁରୀଟି କେଉଁଠାରୁ ଓ କେମିତି ଆସିଲା ତାର କାରଣ ଅସ୍ପଷ୍ଟ ରହିଥିବା ବେଳେ ଖବର ପାଇ କୋଲିୟାରୀ ପୋଲିସ ଘଟଣା ସ୍ଥଳରେ ପଂହଁଚି ଅଧିକ ତଦନ୍ତ ଜାରି ରଖିଛି ।ସୂଚନା ଅନୁସାରେ ଏହା ମଣିଷ ଖପୁରୀଟି ଏକ ମାସରୁ ଉର୍ଦ୍ଧ୍ଵ ଦିନର ହୋଇଥିବା ପ୍ରାଥମିକ ତଦନ୍ତରୁ ଅନୁମାନ କରାଯାଉଛି । ପାଖରେ ମଶାଣି ରହିଥିବାରୁ କୌଣସି ମୃତ ଦେହକୁ ପୋତା ଯାଇଥିବାବେଳେ କୌଣସି ବନ୍ୟଜନ୍ତୁ ଏହାକୁ ଟାଣି ଆଣି ରାସ୍ତା କଡରେ ପକାଇ ଦେଇଥିବା ଅନୁମାନ କରାଯାଉଛି । ତେବେ ପରେ ସାଇଣ୍ଟିଫିକ ଟିମ ଆସି ତଦନ୍ତ ପରେ ଘଟଣାର ସତ୍ୟାସତ୍ୟ ଜଣା ପଡିବ ବୋଲି ସୂଚନା ରହିଛି ।