ରାଜସ୍ଥାନର ଜୟପୁର ସ୍ଥିତ ସ୍ୱାଇ ମାନ ସିଂହ ହସ୍ପିଟାଲର ICU ୱାର୍ଡରେ ରବିବାର ବିଳମ୍ବିତ ରାତିରେ ଭୟଙ୍କର ଅଗ୍ନିକାଣ୍ଡ ଘଟିଛି । ଘଟଣାରେ ୬ ଜଣ ରୋଗୀ ମୃତ୍ୟୁବରଣ କରିଛନ୍ତି ଏବଂ ଅଧିକ ୬ ଜଣ ଗୁରୁତର ଅବସ୍ଥାରେ ଅଛନ୍ତି ।
ଅଗ୍ନିକାଣ୍ଡ ICU ୱାର୍ଡର ଦ୍ୱିତୀୟ ମହଲାରେ ଶୀଘ୍ର ବ୍ୟାପି ଯାଇଥିଲା, ସେ ସମୟରେ ସେଠାରେ ୨୪ ଜଣ ରୋଗୀ ଥିଲେ । ନିଆଁ ଦେଖି, ICU ୱାର୍ଡ ବାହାରରେ ଥିବା କର୍ମଚାରୀ ଓ ଆଟେଣ୍ଡାଣ୍ଟମାନେ ତୁରନ୍ତ କାର୍ୟ୍ୟରତ ହୋଇ ରୋଗୀମାନଙ୍କୁ ବାହାର କରିବାକୁ ଲାଗିଥିଲେ ।
ଘଟଣା ପରେ ହସ୍ପିଟାଲରେ ଅଗ୍ନିନିରାପତ୍ତା ବ୍ୟବସ୍ଥାର ଯାଞ୍ଚ ଆରମ୍ଭ ହୋଇଛି । ମୁଖ୍ୟମନ୍ତ୍ରୀ ଭଜନଲାଲ୍ ଶର୍ମା ମେଡ଼ିକାଲ୍ ସ୍ଥଳକୁ ପହଁଚି ସ୍ଥିତି ଅନୁଧ୍ୟାନ କରିଛନ୍ତି ।