ଜଙ୍ଗଲରେ ବନ୍ଧୁକ କାରଖାନା । ମାଲାକନଗିରି ପୋଲିସକୁ ବଡ଼ ସଫଳତା । ସର୍ଚ୍ଚ ଅପରେସନ ବେଳେ ଆନ୍ଧ୍ର – ଓଡ଼ିଶା ସୀମା ସିଲେରୁ ଜଙ୍ଗଲରେ ଠାବ କଲେ ସୁରକ୍ଷାକର୍ମୀ । କାଲିମେଳା ଥାନା ଅନ୍ତର୍ଗତ ମଧୁମାଳ ଏବଂ ଚିଲକାଳମାମୁଡ଼ି ରିଜର୍ଭ ଫରେଷ୍ଟ ଅଂଚଳରେ ଡିଭିଏଫ ଯବାନ ସର୍ଚ୍ଚ ଅପେରସନ ବେଳେ ଠାବ ହୋଇଥିଲା ବନ୍ଧୁକ କାରଖାନା । ଜଙ୍ଗଲରେ ବନ୍ଧୁକ କାରଖାନା ଚଳାଇଛନ୍ତି ନକ୍ସଲ ।
ବନ୍ଧୁକ ତିଆରି କରିବା ସହ ମରାମତି କରୁଥିଲେ । ଏହାସହ ୪ଟି ଲ୍ୟାଣ୍ଡମାଇନ ଜବତ ହୋଇଛି । ନକ୍ସଲ ଲୁଚାଇ ରଖିଥିବା ଡିଟୋନେଟର ,କଡେ଼କ୍ସ ତାର,ୱେଲଡିଂ ମେସିନ,ଜେନେରେଟର,ୱେଲଡିଂ ରଡ଼ ସମେତ ବନ୍ଧୁକ ତିଆରି କରିବା ସମସ୍ତ ସରଞ୍ଜାମ ଏଠାରେ ରହିଥିଲା । ନକ୍ସଲ ସୁରକ୍ଷାକର୍ମୀଙ୍କୁ ଟାର୍ଗେଟ କରିବା ପାଇଁ ବିସ୍ଫାରକ ସହ ବନ୍ଧୁକ ତିଆରି ସରଞ୍ଜାମ ରଖିଥିଲେ ବୋଲି ପୋଲିସ କହିଛି । ଫଳରେ ଏକ ଡ଼ ମାଓ ଯୋଜନାକୁ ପଣ୍ଡ କରିଛନ୍ତି ଯବାନ।