ନରସିଂହପୁର ରେଞ୍ଜରେ ପୁଣି ଗୋଟିଏ ମାଈ ହାତୀର ମୃତ୍ୟୁ ଘଟିଛି । ଗତବର୍ଷ ନରସିଂହପୁର ଉଭୟ ପୂର୍ବ ଓ ପଶ୍ଚିମ ରେଞ୍ଜରେ ୮ଟି ହାତୀର ମୃତ୍ୟୁ ଘଟିଥିଲା । ବୁଧବାର ପଶ୍ଚିମ ବନ ବିଭାଗ ଅଧୀନ ଚତରାପଦା ଗ୍ରାମ ନିକଟରେ ଜଙ୍ଗଲରେ ମାଈ ହାତୀର ମୃତଦେହ ଉଦ୍ଧାର କରିଛି ବନ ବିଭାଗ । ମୃତ ହାତୀଟି ପ୍ରାୟ ୫୦ରୁ ଅଧିକ ବର୍ଷର ହେବ ବୋଲି କହିଛନ୍ତି ନରସିଂହପୁର ପଶ୍ଚିମ ରେଞ୍ଜର । ହାତୀଟି କିଛି ଦିନ ହେଲା ଅସୁସ୍ଥ ଥିଲା ।
ବୁଧବାର ସକାଳେ ଉକ୍ତ ହାତୀର ମୃତ୍ୟୁ ଘଟିଥିବା ସେ କହିଛନ୍ତି । ଖବର ପାଇ ରେଞ୍ଜରଙ୍କ ସମେତ ଆଠଗଡ଼ ଡିଏପଓଙ୍କ ସମେତ ଅନ୍ୟ ବନ କର୍ମଚାରୀ ଓ ନରସିଂହପୁର ପ୍ରାଣୀ ଚିକିତ୍ସା ଅଧିକାରୀ ଘଟଣାସ୍ଥଳରେ ପହଞ୍ଚି ମୃତଦେହ ବ୍ୟବଚ୍ଛେଦ ପରେ ଜଙ୍ଗଲରେ ପୋତି ଦେଇଥିବା ଜଣାପଡ଼ିଛି ।