ବ୍ରହ୍ମପୁର ଏମକେସିଜି ମେଡିକାଲ କଲେଜରେ ଚାଲୁଥିବା ଇଣ୍ଟର ମେଡିକ୍ସ କାର୍ଯ୍ୟକ୍ରମ ବେଳେ ଗଣ୍ଡଗୋଳ ହୋଇଛି। ୱେଲକମ୍ ସେରେମୋନି ସମୟରେ କୌଣସି ଘଟଣାକୁ ନେଇ ବୁର୍ଲା ଭୀମସାର, କଟକ ଏସସିବି ଓ ବ୍ରହ୍ମପୁର ଏମକେସିଜିର ଛାତ୍ରମାନଙ୍କ ମଧ୍ୟରେ ତିବ୍ର ପାଟିତୁଣ୍ଡ ଘଟିଛି। ଠେଲାପେଲା ବେଳେ କିଛି ଛାତ୍ର ଆହତ ହୋଇଥିବା ସୂଚନା ମିଳିଛି। ଘଟଣା ପରେ କଟକର ଛାତ୍ରମାନେ ଫେରିଯାଇଛନ୍ତି। ଏହି ଅସାମାନ୍ୟ ଘଟଣାକୁ ନେଇ ରେଜିଷ୍ଟ୍ରାର କହିଛନ୍ତି, ଘଟଣାର କାରଣ ଖୋଜିବାକୁ ତଦନ୍ତ କରାଯିବ। ଜଣାଯାଇଛି, ୧୧ ତାରିଖରୁ ଆରମ୍ଭ ହୋଇଥିବା ଏହି କାର୍ଯ୍ୟକ୍ରମରେ ୧୫ରୁ ୧୯ ତାରିଖ ପର୍ଯ୍ୟନ୍ତ ବିଭିନ୍ନ ସାଂସ୍କୃତିକ ଓ ନୃତ୍ୟ-ଗୀତ କାର୍ଯ୍ୟକ୍ରମ ହେବ।