ମହଙ୍ଗା ପଡ଼ିଲା ବାଲି ମାଫିଆଙ୍କ ଔଦ୍ଧତ୍ୟ । ବାଲି ଚୋରାଚାଲାଣ ବେଳେ ଚଢାଉ କଲା ମାଇନିଂ ଡିପାର୍ଟମେଣ୍ଟ। ପାଟଣାଗଡ଼ରେ ବେଧଡ଼କ ଚାଲିଥିଲା ବାଲି ଚୋରା ଚାଲାଣ । ଧରିଲା ମାଇନିଂ ଡିପାର୍ଟମେଣ୍ଟ । ତିନି ଟ୍ରାକ୍ଟର ଜବତ କଲା ମାଇନିଂ ଡିପାର୍ଟମେଣ୍ଟ । ବଲାଙ୍ଗିର ଜିଲ୍ଲା ପାଟଣାଗଡ଼ ଅଞ୍ଚଳରୁ ଗତକାଲି ରାତିରେ ବେଆଇନ ଭାବରେ ତିନୋଟି ଟ୍ରାକ୍ଟର ରେ ବାଲି ଚୋରା ଚାଲାଣ ହେଉଥିବା ବେଳେ ଜବତ କରି ପାଟଣାଗଡ଼ ଥାନା ଜୀମା ଦେଇଛି ମାଇନିଂ ଡିପାର୍ଟମେଣ୍ଟ । ଏହି ଖବର ହଠାତ ମାଇନିଂ ଡିପାର୍ଟମେଣ୍ଟ ପାଖରେ ପହଞ୍ଚିବା ପରେ ସଜାଗ ହୋଇଥିଲା ଡିପାର୍ଟମେଣ୍ଟ ଆଉ ଏହି ଟ୍ରାକ୍ଟରଗୁଡ଼ିକ କାବୁ କରିବା ପାଇଁ ରଚିଥିଲା ଯୋଜନା ।

ମାଇନିଂ ଡିପାର୍ଟମେଣ୍ଟ ପାଖରେ ବାଲି ଚୋରା ଚାଲାଣ ହେଉଥିବା ଖବରଥିବା ବେଳେ ବିଭିନ୍ନ ଜାଗାରେ ଚଢ଼ାଉ କରାଯାଉଥିଲା । ପାଟଣାଗଡ଼ ଥାନା କଉଡିଆ ଛକ ନିକଟରେ ତିନୋଟି ବାଲି ବୋଝେଇ ଟ୍ରାକ୍ଟର ଆସୁଥିବା ଦେଖି ମାଇନିଂ ଡିପାର୍ଟମେଣ୍ଟ ଅଟକାଇ ପଚରା ଉଚରା କରିବା ପରେ ତାହା ବେଆଇନ ଭାବରେ ଚାଲାଣ ହେଉଥିବା ସୂଚନା ମିଳିଥିଲା । ପରେ ଟ୍ରାକ୍ଟର ତିନୋଟିକୁ ଜବତ କରି ପାଟଣାଗଡ଼ ଥାନାରେ ଜୀମା ଦେଇଛନ୍ତି ମାଇନିଂ ଡିପାର୍ଟମେଣ୍ଟର ଅଧିକାରୀ ।

ତେବେ ଏହି ବାଲି ଚୋରା ଚାଲାଣ ପଛରେ କାହାର ହାତ ଅଛି ତାହା ଅଧିକ ତଦନ୍ତ ହେଲା ପରେ ହିଁ ଜଣା ପଡ଼ିବ । ଦିନକୁ ଦିନ ବାଲି ମାଫିଆଙ୍କର ଦୌରାତ୍ମ୍ୟ ବଢ଼ି ଚାଲୁଥିବା ବେଳେ ଏହାକୁ ରୋକିବା ପାଇଁ ସାଧାରଣରେ ଦାବି ହୋଇଛି ।