ସନ୍ଧlନୀ କୁକୁର ଏବଂ ସାଇଣ୍ଟିଫିକ ଟିମର କରୁଛି ତଦନ୍ତ
କଲମପୁର: କଳାହାଣ୍ଡି ଜିଲ୍ଲା କଲମପୁର ଥାନା ଅନ୍ତର୍ଗତ ବୀଜମରା ଗ୍ରାମରେ ଥିବା ବିଦେଶୀ ଠିପି ବନ୍ଦ ମଦ ଦୋକାନ ରୁ ୮ ଲକ୍ଷ ଟଙ୍କା ଚୋରୀ ଅଭିଯୋଗ ହୋଇଛି l ଅଭିଯୋଗ ପାଇ ପୁଲିସ ତନାଘନା ତଦନ୍ତ ଜାରି ରଖିଛି l
ସୂଚନା ଅନୁସାରେ ଗତକାଲି ବିଳମ୍ବିତ ରାତିରେ କିଛି ଦୁର୍ବୁତ୍ତ ଯୋଜନାବଦ୍ଧ ଭାବେ ଦୋକାନ କୁ ପଶି କାଉଣ୍ଟରରେ ଥିବା ପ୍ରାୟ ୮ ଲକ୍ଷ ଟଙ୍କାକୁ ଦୁର୍ବୁତ୍ତ ମାନେ ନେଇ ଯାଇଥିଲେ l ପ୍ରମାଣ ନଷ୍ଟ ପାଇଁ ସିସିଟିଭି ଭାଙ୍ଗି ହାର୍ଡ ଡିସ୍କକୁ ମଧ୍ୟ ନେଇଯାଇଛନ୍ତି। ଦୋକାନର କର୍ମଚାରୀ ସମୂହ ମାଲିକଙ୍କୁ ଜଣାଇବାରୁ ମାଲିକ କଲମପୁର ଥାନାରେ ଲିଖିତ ଅଭିଯୋଗ କରିଥିଲେ। କଲମପୁର ଥାନା ପୁଲିସ ଅଧିକାରୀ ବିଶ୍ୱମ୍ବର କହଁର ଅଭିଯୋଗକୁ ଭିତ୍ତିକରି କେସ ଏକ ମାମଲା ରୁଜୁ କରିଥିଲେ। ଘଟଣା ସ୍ଥଳରେ କଲମପୁର ପୁଲିସ ପ୍ରାଥମିକ ତଦନ୍ତ କରିଥିଲେl ଥାନା ଅଧିକାରୀ ଶ୍ରୀ କହଁର ଘଟଣା ସମ୍ପର୍କରେ ଧର୍ମଗଡ଼ ଏସଡିପିଓ ଚୂଡ଼ାମଣି ଭୋଇଙ୍କୁ ଜଣାଇବାରୁ ତଦନ୍ତରେ ଆସି ପାରିପାର୍ଶ୍ଵିକ ସ୍ଥିତି ଅନୁଧ୍ୟାନ କରିବା ସହ ପାଖ ପଡୋଶୀ ମାନଙ୍କୁ ପଚରାଉଚରା କରିଥିଲେ। ଅଧିକ ତଦନ୍ତ ପାଇଁ ସନ୍ଧlନୀ କୁକୁର ଏବଂ ସାଇଣ୍ଟିଫିକ ଟିମର ସାହାଯ୍ୟ ମାଗିଥିଲେl ସନ୍ଧlନୀ କୁକୁର ଏବଂ ସାଇଣ୍ଟିଫିକ ଟିମର ସହଯୋଗରେ ପୁଲିସ ତଦନ୍ତ ଜାରି ରଖିଛିl