ବିହାର ବିଧାନସଭା ନିର୍ବାଚନ ପାଇଁ ତାରିଖ ଆଜି ଘୋଷଣା ହେବ । ନିର୍ବାଚନ କମିଶନ ଆଜି ଅପରାହ୍ଣ ୪ଟାରେ ଦିଲ୍ଲୀରେ ସାମ୍ବାଦିକ ସମ୍ମିଳନୀ କରି ତାରିଖ ଘୋଷଣା କରିବେ । ମୁଖ୍ୟ ନିର୍ବାଚନ ଆୟୋଗ ଜ୍ଞାନେଶ କୁମାର ଏହି ସମ୍ମିଳନୀରେ ନିର୍ବାଚନ ତାରିଖ ସହିତ କେତେ ପର୍ଯ୍ୟାୟରେ ମତଦାନ ହେବ ତାହା ଘୋଷଣା କରିବେ ।
ବିହାରରେ ମୋଟ ୨୪୩ ବିଧାନସଭା ସିଟ୍ ରହିଛି ଓ ବର୍ତ୍ତମାନ ବିଧାନସଭାର କାର୍ଯ୍ୟକାଳ ନଭେମ୍ବର ୨୨ରେ ଶେଷ ହେଉଛି । ତେଣୁ ଏହା ପୂର୍ବରୁ ହିଁ ନିର୍ବାଚନ ପ୍ରକ୍ରିୟା ଶେଷ ହେବ ।
ସମ୍ପ୍ରତି ୪ ଓ ୫ ଅକ୍ଟୋବରରେ ନିର୍ବାଚନ କମିଶନର ଦଳ ବିହାର ଗସ୍ତ କରି ବିଭିନ୍ନ ଦଳ, ଅଧିକାରୀ ଓ ପୋଲିସ ବିଭାଗ ସହ ଆଲୋଚନା କରିଥିଲେ । ଏହି ସମୟରେ ଆଇନ ବ୍ୟବସ୍ଥା ଓ ମତଦାନ କେନ୍ଦ୍ର ବ୍ୟବସ୍ଥା ନେଇ ତଦାରଖ ହୋଇଥିଲା ।
ଏବେକି ନିର୍ବାଚନରେ ବିହାରରେ ଓନ୍-ଷ୍ଟପ୍ ଡିଜିଟାଲ୍ ପ୍ଲାଟଫର୍ମ ଆରମ୍ଭ ହେବ, ସମସ୍ତ ପୋଲିଂ ଷ୍ଟେସନରେ ୧୦୦% ୱେବକାଷ୍ଟିଂ ହେବ ଓ ଇଭିଏମରେ ପ୍ରାର୍ଥୀମାନଙ୍କ ରଙ୍ଗୀନ ଫଟୋ ରହିବ ବୋଲି ନିର୍ବାଚନ ଆୟୋଗ ସୂଚନା ଦେଇଛି