ବିଶ୍ୱର ଶ୍ରେଷ୍ଠ ୧୦୦ ସହରର ତାଲିକା ପ୍ରକାଶ ପାଇଛି, ଯେଉଁଥିରେ ଲଣ୍ଡନ ଶୀର୍ଷରେ ଅଛି। ତାଲିକାରେ ନ୍ୟୁୟର୍କ ଦ୍ୱିତୀୟ ସ୍ଥାନରେ ଅଛି, ତା’ପରେ ପ୍ୟାରିସ୍ ତୃତୀୟ ସ୍ଥାନରେ ଅଛି। ଇପସୋସ୍ ସହିତ ସହଭାଗୀତାରେ ରେଜୋନେନ୍ସ କନସଲଟାନ୍ସି ଦ୍ୱାରା ପ୍ରକାଶିତ ଏକ ରିପୋର୍ଟ ଅନୁଯାୟୀ, ଲଣ୍ଡନ ଲଗାତାର ୧୧ ତମ ବର୍ଷ ପାଇଁ ବିଶ୍ୱର ଶ୍ରେଷ୍ଠ ସହର ପାଲଟିଛି। ୨୦୨୬ ପାଇଁ ବିଶ୍ୱର ଶ୍ରେଷ୍ଠ ସହର ରିପୋର୍ଟରେ ରାଜଧାନୀର ବାକି ସବୁ ଦାବିଦାର ଭଲ ପ୍ରଦର୍ଶନ କରିଛି।
ଏହି ରିପୋର୍ଟରେ ୨୦୨୫-୨୬ ରେ ରହିବା, କାମ କରିବା ଏବଂ ବୁଲିବା ପାଇଁ ବିଶ୍ୱର ଶ୍ରେଷ୍ଠ ୧୦୦ ଟି ସହର ତାଲିକାଭୁକ୍ତ କରାଯାଇଛି। ୟୁରୋପୀୟ ସହରଗୁଡ଼ିକ ରାଙ୍କିଙ୍ଗରେ ଶୀର୍ଷରେ ରହିଛି। ଲଣ୍ଡନ ଶୀର୍ଷ ସ୍ଥାନ ଅଧିକାର କରିଛି। ନ୍ୟୁୟର୍କ ଦ୍ୱିତୀୟ ସ୍ଥାନ ହାସଲ କରିଛି, ତା’ପରେ ପ୍ୟାରିସ୍ ତୃତୀୟ ସ୍ଥାନରେ ରହିଛି। ଟୋକିଓ ଚତୁର୍ଥ, ମାଡ୍ରିଡ୍ ପଞ୍ଚମ ଏବଂ ସିଙ୍ଗାପୁର ଷଷ୍ଠ ସ୍ଥାନରେ ଅଛି। ତାଲିକାରେ ରୋମ ସପ୍ତମ ସ୍ଥାନରେ ରହିଛି, ତା’ପରେ ଦୁବାଇ ରହିଛି, ଯାହା ପଶ୍ଚିମ ଏସିଆର ସର୍ବୋଚ୍ଚ ସ୍ଥାନ ହାସଲ କରିଛି। ବର୍ଲିନ୍ ନବମ ସ୍ଥାନ ଅଧିକାର କରିଛି, ସେଭଳି ବାର୍ସିଲୋନା ଟପ୍ ୧୦ରେ ରହିଛି। ଟୋକିଓ ଏବଂ ସିଙ୍ଗାପୁର ଦୁଇଟି ଏସୀୟ ସହର ଯିଏକି ଯଥାକ୍ରମେ ଚତୁର୍ଥ ଏବଂ ଷଷ୍ଠ ସ୍ଥାନ ହାସଲ କରିଛି।
ଭାରତର ଟେକ୍ ପାୱାରହାଉସ୍ ବେଙ୍ଗାଲୁର, ଯାହାକୁ ପ୍ରାୟତଃ ‘ଭାରତର ସିଲିକନ୍ ଭ୍ୟାଲି’କୁହାଯାଏ, ତାହା ବିଶ୍ୱ ସ୍ତରରେ ୨୯ତମ ସ୍ଥାନରେ ରହିଛି। ଏହା ପରେ ଆର୍ଥିକ ରାଜଧାନୀ ମୁମ୍ବାଇ ୪୦ତମ, ଜାତୀୟ ରାଜଧାନୀ ଦିଲ୍ଲୀ ୫୪ତମ ଏବଂ ହାଇଦ୍ରାବାଦ ୮୨ତମ ସ୍ଥାନରେ ରହିଛି। ରିପୋର୍ଟରେ ବିଶ୍ବର ୨୭୦ ରୁ ଅଧିକ ସହର ମୂଲ୍ୟାଙ୍କନ କରାଯାଇଥିଲା, ଯାହାର ଜନସଂଖ୍ୟା ଦଶ ଲକ୍ଷରୁ ଅଧିକ। ଯାହାଦ୍ବାରା ଏହା ବୁଝିହେବ ଯେ, କେଉଁ ସହର ସବୁଠାରୁ ଭଲ ଅଭିଜ୍ଞତା ପ୍ରଦାନ କରେ । ଏଥିରେ ସହର ଜୀବନର ଭିନ୍ନ ଭିନ୍ନ ଦିଗ, ଯେପରିକି ଶିକ୍ଷା, ସଂସ୍କୃତି, ସଂଯୋଗୀକରଣ, ନାଇଟ୍ ଲାଇଫ୍, ସୁରକ୍ଷା ଏବଂ ଅନ୍ୟାନ୍ୟ ଇଣ୍ଡିକେଟର୍ସର ଷ୍ଟଡି କରାଯାଇଥିଲା। ବାସଯୋଗ୍ୟତା, ସୌହାର୍ଦ୍ଧଭାବ ଏବଂ ସମୃଦ୍ଧି। ସହରରେ ଜୀବନ କେତେ ଆରାମଦାୟକ ଏବଂ ସୁବିଧାଜନକ ? ଜୀବନଯାପନର ଖର୍ଚ୍ଚ, ପରିଷ୍କାର ପରିଚ୍ଛନ୍ନତା ଏବଂ ସ୍ୱାସ୍ଥ୍ୟ ସେବା ଏବଂ ଲୋକମାନେ ସେଠାରେ କେତେ ଖୁସିରେ ରହୁଛନ୍ତି ? ସେଭଳି ଚାକିରି ସୁଯୋଗ, ଶିକ୍ଷା ଏବଂ ଆୟ ସ୍ତର ଦୃଷ୍ଟିରୁ ଆର୍ଥିକ ଅଭିବୃଦ୍ଧିକୁ କିଭଳି ସେ ସବୁ ଉପରେ ଷ୍ଟଡି କରାଯାଇଥି