ଢେଙ୍କାନାଳ ଜିଲ୍ଲା କାମାକ୍ଷାନଗର ଜିରିଡାମାଳି ଠାରେ ରେଙ୍ଗାଳି ବାମ ବନ୍ଧ କେନାଲ ବିଭାଜନ ପକ୍ଷରୁ ବିଭାଜନ ସ୍ତରୀୟ ପାଣି ପଞ୍ଚାୟତ ପକ୍ଷ ପାଳନ ସମୟରେ ହୋ-ହାଲ୍ଲା ଦେଖିବାକୁ ମିଳିଛି। ଯାହାକୁ ନେଇ ବିନା ଚାଷୀରେ ପାଣି ପଞ୍ଚାୟତ ପକ୍ଷ ପାଳନକୁ ଯୋଗୁଁ ସଭା ମଞ୍ଚରୁ ମଧ୍ୟ ପଳେଇ ଗଲେ କାମାକ୍ଷାନଗର ବିଧାୟକ ଶତୃଘନ ଜେନା। ରାଜ୍ୟ ସରକାର ଚାଷ ଓ ଚାଷୀଙ୍କ ପାଇଁ ବିଭିନ୍ନ ସହାୟତା ଓ ସହଯୋଗ କରୁଥିବା ବେଳେ କାମାକ୍ଷାନଗରର ବିଭାଗୀୟ ଅଧିକାରୀଙ୍କ ଅବହେଳା ଏବଂ ଚାଷୀଙ୍କୁ ଅସହଯୋଗ ଯୋଗୁଁ ହଟଗୋଳ ଦେଖିବାକୁ ମିଳିଥିଲା। ଯାହାକୁ ନେଇ ବିଜେପି ଜିଲ୍ଲା ସଭାପତି ରାସବିହାରୀ ବେହେରା ଉତ୍ୟକ୍ତ ଚାଷୀଙ୍କୁ ବୁଝା ସୁଝା କରିବା ସହ ଆଗାମୀ ବର୍ଷ ଠାରୁ କିପରି ସଠିକ ଢଙ୍ଗରେ ପକ୍ଷ ପାଳନ କରାଯିବ ସେ ନେଇ ପ୍ରତିଶ୍ରୁତି ଦେଇଥିଲେ। ଏଥିସହିତ ଏହା ଏକ ସମ୍ବେଦନଶୀଳ ଘଟଣା ହୋଇଥିବାରୁ ମାନ୍ୟବର ମୁଖ୍ୟମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରାଯାଇ ଦୃଷ୍ଟାନ୍ତ ମୂଳକ ପଦକ୍ଷେପ ଗ୍ରହଣ କରାଯିବ ବୋଲି ସେ ପ୍ରତିକ୍ରିୟା ରଖିଛନ୍ତି। ସେପଟେ ପ୍ରତିବର୍ଷ ବିନା ଚାଷୀରେ ପକ୍ଷ ପାଳନ ସହ ସରକାରଙ୍କ କୋଟି କୋଟି ଟଙ୍କାର ଅର୍ଥକୁ ବିଭାଗୀୟ ଅଧିକାରୀ ମାନେ ଆତ୍ମସାତ କରୁଥିବା ଚାଷୀମାନେ ଅଭିଯୋଗ କରିଛନ୍ତି।