ନୂଆପଡ଼ା ଉପନିର୍ବାଚନ ପାଇଁ ରାଜନୀତି ଏବେ ସରଗରମ ହୋଇଉଠିଛି। ପ୍ରମୁଖ ତିନି ଦଳ — ବିଜେପି, ବିଜେଡ଼ି ଓ କଂଗ୍ରେସ — ନିଜର ରଣନୀତି ପ୍ରସ୍ତୁତ କରି ନିର୍ବାଚନ ମଇଦାନକୁ ଓହ୍ଲାଇ ପ୍ରଚାରକୁ ଜୋରଦାର କରିଛନ୍ତି।
କଂଗ୍ରେସ ପ୍ରାର୍ଥୀ ଘାସିରାମ ମାଝୀ ଏବଂ ବିଜେପି ପ୍ରାର୍ଥୀ ଜୟ ଢୋଲକିଆ ଆଗରେ ନିଜର ନାମାଙ୍କନ ପତ୍ର ଦାଖଲ କରିସାରିଛନ୍ତି।
ଆଜି ବିଜେଡ଼ି ପ୍ରାର୍ଥୀ ସ୍ନେହାଙ୍ଗିନୀ ଛୁରିଆ ନିଜର ନାମାଙ୍କନ ପତ୍ର ଦାଖଲ କରିବେ। ଗତକାଲି, ସେ ବିଜେଡ଼ିର ଶକ୍ତି ପ୍ରଦର୍ଶନରେ ନୂଆପଡ଼ାଠାରେ ବିରାଟ ଶୋଭାଯାତ୍ରା ଅୟୋଜନ କରିଥିଲେ। ବିଜେଡ଼ିର ବହୁତ ତୁଙ୍ଗନେତାମାନେ ସେଠାରେ ଉପସ୍ଥିତ ଥିଲେ ଓ ସ୍ନେହାଙ୍ଗିନୀଙ୍କ ପାଇଁ ଭୋଟଭିକ୍ଷା କରିଥିଲେ।
ସ୍ନେହାଙ୍ଗିନୀ ଛୁରିଆ ପୂର୍ବାହ୍ନ ୧୧ଟାରେ ପ୍ରଥମେ ନୂଆପଡ଼ା ତେଲିପଡ଼ା ସ୍ଥିତ ଶିବ ମନ୍ଦିରରେ ପୂଜା ଅର୍ଚ୍ଚନା କରି ଦେବ ଦର୍ଶନ ନେବେ। ଏହାପରେ ସେ ନିଜର ସମର୍ଥକଙ୍କ ସହ ନୂଆପଡ଼ା ଉପଜିଲ୍ଲାପାଳଙ୍କ କାର୍ଯ୍ୟାଳୟକୁ ଯାଇ ନାମାଙ୍କନ ପତ୍ର ଦାଖଲ କରିବେ। ଏହି ଅବସରରେ ବିଜେଡ଼ିର ଶୀର୍ଷ ନେତୃତ୍ୱ, ବରିଷ୍ଠ ନେତା ଓ ବିଧାୟକମାନେ ଉପସ୍ଥିତ ରହିବେ।