ବସ୍ତିରେ ଆତଙ୍କ ଖେଳାଇଲେ । ଜଣଙ୍କ ଘରେ ପଶି ଛୁରି ଭୁସିବା ସହ ପରିବାର ଲୋକଙ୍କୁ ମରଣାନ୍ତକ ଆକ୍ରମଣ କଲେ । ଥାନାରେ ଅଭିଯୋଗ ପରେ ସହିଦନଗର ଥାନା ପୁଲିସ ଭାଇ-ଭଉଣୀଙ୍କୁ ଗିରଫ କରିଛି । ସେମାନେ ହେଲେ ସହିଦନଗର ବାୟାବାବା ମଠ ବସ୍ତିରେ ରହୁଥିବା ଖୋର୍ଦ୍ଧା ବୋଲଗଡ଼ ଥାନା ଗେଡ଼ିଆପଲ୍ଲୀର କାହ୍ନା ଓରଫ କହ୍ନେଇ ନାୟକ ଏବଂ ତାଙ୍କ ଭଉଣୀ ସୁଜାତା ନାୟକ । ପୁଲିସ ସେମାନଙ୍କ ଠାରୁ ଏକ ଛୁରି ଓ ଅନ୍ୟ ମାରଣାସ୍ତ୍ର ଜବତ କରିଛି ।
ସୂଚନା ଅନୁଯାୟୀ, ବାୟାବାବା ମଠ ନିକଟରେ ଲକ୍ଷ୍ମୀପୂଜା ପାଇଁ ପ୍ରସ୍ତୁତି ଚାଲିଥିବା ବେଳେ ୩ ତାରିଖ ରାତିରେ କାହ୍ନା, ବାପା ଶ୍ରୀଧର ଓ ସେମାନଙ୍କ ସହଯୋଗୀ ମାରଣାସ୍ତ୍ର ଧରି ସେଠାରେ ଆତଙ୍କ ଖେଳାଇବା ସହ ଢ଼େଲାପଥର ମାଡ଼ କରିଥିଲେ । ଏହାର କିଛି ସମୟ ପରେ ପୂର୍ବ ଶତ୍ରୁତାକୁ କେନ୍ଦ୍ରକରି କହ୍ନେଇ, ଶ୍ରୀଧର ଓ ଭଉଣୀ ସୁଜାତା ବସ୍ତିର ରଶ୍ମିରଞ୍ଜନ ମହାନ୍ତିଙ୍କ ଘରେ ପଶି ତାଙ୍କର ୨ ସଂପର୍କୀୟ ଭଉଣୀ ସୁମିତ୍ରା ଦଳାଇ ଏବଂ ସିଲି ମହାନ୍ତିଙ୍କୁ ଆକ୍ରମଣ କରିଥିଲେ । କହ୍ନେଇ ସିଲି ମହାନ୍ତିଙ୍କୁ ତଳେ ପକାଇ ତାଙ୍କ ପେଟରେ ଛୁରି ଭୁସି ଦେଇଥିଲା । ଏଥିସହ ରଶ୍ମିରଞ୍ଜନଙ୍କ ବାପାଙ୍କୁ ମଧ୍ୟ ମାରଣାସ୍ତ୍ରରେ ଆକ୍ରମଣ କରିଥିଲା । ଏହାପରେ ସେମାନେ ରଶ୍ମିରଞ୍ଜନଙ୍କୁ ଆକ୍ରମଣ କରି ତାଙ୍କ ବେକରୁ ସୁନାଚେନ୍ ଲୁଟି ନେଇ ପଳାଇଥିଲେ । ଏନେଇ ଥାନାରେ ଅଭିଯୋଗ ହେବାପରେ ପୁଲିସ ଏକ ମାମଲା ରୁଜୁକରି କହ୍ନେଇ ଓ ଭଉଣୀ ସୁଜାତାଙ୍କୁ ଗିରଫ କରିଥିଲା । ଏହି ଆକ୍ରମଣରେ ସଂପୃକ୍ତ ସେମାନଙ୍କ ବାପା ଶ୍ରୀଧର ଫେରାର୍ ହୋଇ ଯାଇଛନ୍ତି। କହ୍ନେଇ ନାୟକଙ୍କ ନାଁରେ ପୂର୍ବ ଏକାଧିକ ମାମଲାରେ ସଂପୃକ୍ ଥିବା ଜଣାପଡୁଛି।