ବଡ଼ଧରଣର ମାଓ ହମଲା ଉଦ୍ୟମ ପଣ୍ଡ । ଅଳ୍ପକେ ବର୍ତ୍ତିଲେ ବିଏସଏଫ ଯବାନ । କନ୍ଧମାଳ ଜିଲ୍ଲା ବାଲିଗୁଡା ଥାନା ସିଲକ୍କୀ ସୁଗା ଜଙ୍ଗଲରେ ସୁରକ୍ଷାକର୍ମୀଙ୍କୁ ଟାର୍ଗେଟ କରି IED ବିସ୍ଫୋରକ ବିଛାଇଥିଲେ ମାଓବାଦୀ । କିନ୍ତୁ ମାଓବାଦୀଙ୍କ ଯୋଜନାକୁ ପଣ୍ଡ କରିଛନ୍ତି ବିଏସଏଫ୍ ୧୩୬ ବାଟାଲିୟନ ।
ସିଲକ୍କୀ ସୁଗା ଜଙ୍ଗଲରେ ମାଓବାଦୀଙ୍କ ଗତିବିଧି ନେଇ ଗୁଇନ୍ଦା ସୂଚନା ପରେ କମ୍ବିଂ ଅପରେସନକୁ ଯାଇଥିଲେ ଯବାନ । ଘଟଣାସ୍ଥଳରୁ ୧୮ଟି ଜିଲୋଟିନ୍, ୮ଟି ଡିଟୋନେଟର୍, ୧୭ଟି ବ୍ୟାଟେରୀ, ସୋଲାର ପ୍ଲେଟ ଆଦି ଜବତ ହୋଇଛି । ବିସ୍ଫୋରକ ଜବତ ପରେ ଅପରେସନ ଜୋରଦାର କରାଯାଇଛି ।