ପ୍ରାୟତଃ ଅନେକ ଲୋକ ସକାଳୁ ଗ୍ରୀନ ଟି’ ପିଇବା ପାଇଁ ପସନ୍ଦ କରନ୍ତି । ହେଲେ ଆପଣ ଜାଣନ୍ତି କି ପ୍ରତିଦିନ ଗ୍ରୀନ ଟି’ ପିଇବା ଦ୍ୱାରା କ’ଣ ଲାଭ ମିଳିଥାଏ ? ଯଦି ଆପଣ ଅତି କମରେ ଗୋଟିଏ ମାସ ପର୍ଯ୍ୟନ୍ତ ଗ୍ରୀନ ଟି’ ପିଅନ୍ତି, ତେବେ ଆପଣ ଶରୀରରେ ଏହାର ଫଳାଫଳ ନିଶ୍ଚିତ ଅନୁଭବ କରିପାରିବେ । ତେବେ ଆସନ୍ତୁ ଜାଣିବା ଏହାକୁ ସେବନ କରିବା ଦ୍ୱାରା ଶରୀରରେ କ’ଣ ସବୁ ପରିବର୍ତ୍ତନ ହୁଏ…
ଗ୍ରୀନ୍ ଟିରେ କ୍ୟାଟେଚିନ୍ ନାମକ ଆଣ୍ଟିଅକ୍ସିଡାଣ୍ଟ ଥାଏ। ଏହା ଶରୀରର କୋଷଗୁଡ଼ିକୁ କ୍ଷତିରୁ ରକ୍ଷା କରିବାରେ ସାହାଯ୍ୟ କରେ। ଏହା ଚର୍ମ ଉପରେ ବୟସର ପ୍ରଭାବକୁ ରୋକିଥାଏ । ସେହିପରି ଗ୍ରୀନ୍ ଟିରେ କିଛି କ୍ୟାଫିନ୍ ଏବଂ ଏଲ୍-ଥିଆନିନ୍ ଥାଏ । ଏହା ମନ ଏବଂ ମସ୍ତିଷ୍କ କାର୍ଯ୍ୟକଳାପକୁ ଉନ୍ନତ କରିବାରେ ବିଶେଷ ସହାୟକ ହୋଇଥାଏ । ଗ୍ରୀନ୍ ଟି’ ମେଟାବୋଲିଜିମ୍ ଉନ୍ନତ କରେ । ଯଦି ଆପଣ ସର୍ବଦା ବ୍ୟାୟାମ ସହିତ ଏହାକୁ ପିଅନ୍ତି, ତେବେ ଏହା ଚର୍ବି ହ୍ରାସ କରିବାରେ ସାହାଯ୍ୟ କରେ ।
ଗ୍ରୀନ୍ ଟି’ ଓଜନ ହ୍ରାସ ପାଇଁ ମଧ୍ୟ ପ୍ରଭାବଶାଳୀ । ଏହା ପେଟ ଚର୍ବିକୁ ହ୍ରାସ କରେ । ଅଧିକ ଲାଭ ପାଇବା ପାଇଁ ବ୍ୟାୟାମ କରିବା ପୂର୍ବରୁ ଏହାକୁ ସେବନ କରିବା ବହୁତ ଭଲ। ଗ୍ରୀନ୍ ଟି’ ରକ୍ତଚାପ ଏବଂ କୋଲେଷ୍ଟ୍ରଲ୍ ଭଳି ସମସ୍ୟା ପାଇଁ ଭଲ । ଏହା ହାର୍ଟକୁ ସୁସ୍ଥ ରଖିବାରେ ସାହାଯ୍ୟ କରେ । କର୍କଟ ଏକ ଗମ୍ଭୀର ରୋଗ, ଏଥିରୁ ରକ୍ଷା ପାଇବା ପାଇଁ ଆପଣଙ୍କୁ ଗ୍ରୀନ୍ ଟି’ ପିଇବା ଆବଶ୍ୟକ। ଗ୍ରୀନ୍ ଟି’ ନିୟମିତ ସେବନ ଶରୀରର କୋଲେଷ୍ଟ୍ରଲ୍ ସ୍ତର ହ୍ରାସ କରେ ।
ଖାଦ୍ୟ ଖାଇବାର ପ୍ରାୟ ଘଣ୍ଟା ପୂର୍ବରୁ ଗ୍ରୀନ୍ ଟି ପିଇବାକୁ ଲାଭ ଦାୟକ ବୋଲି ବିବେଚନା କରାଯାଏ, କାରଣ ଏଥିରେ ଟାନିନ୍ ଥାଏ । ଖାଇବା ପରେ ତୁରନ୍ତ ଏହାକୁ ନିଅନ୍ତୁ ନାହିଁ କାରଣ ଏହା ବାନ୍ତି, କୋଷ୍ଠକାଠିନ୍ୟ ଏବଂ ପେଟ ଯନ୍ତ୍ରଣାର କାରଣ ହୋଇପାରେ । ଖାଲି ପେଟରେ ଏହାକୁ କେବେ ବି ପିଅନ୍ତୁ ନାହିଁ। ଦିନକୁ ୩ କପରୁ ଅଧିକ ପିଇବା ସ୍ୱାସ୍ଥ୍ୟକୁ କ୍ଷତି ହୋଇପାରେ।