ଢେଙ୍କାନାଳ କାମାକ୍ଷାନଗର ଥାନା କେନ୍ଦୁପଶି ଗ୍ରାମ ନିକଟରେ ଥିବା ସରକାରୀ ପିଡିଏସ୍ ଚାଉଳ ଗୋଦିମରେ ଗତ ୧୭ ତାରିଖ ବୁଧବାର ଦିନ ଚିଉଳ ଖାଲି ହେଊଥିବାବେଳେ କିଛି ଅସାମାଜିକ ଯୁବକ ପ୍ରୋକ୍ରମେଣ୍ଟ ଇନିସ୍ପେକ୍ଟରଙ୍କୁ ଆକ୍ରମଣ କରି ଟଙ୍କା ଛଡାଇ ନେଉଥିଲେ। ଏହି ସମୟରେ କେନ୍ଦୁପଶି ଗ୍ରାମର ତପନ ସାରଙ୍କୁ କାହିଁକି ଆକ୍ରମଣ କରୁଛ ଏବଂ ଏହାର ପ୍ରତିବାଦ କରିବାରୁ ତାଙ୍କୁ ମଧ୍ୟ ମରଣାତ୍ମକ ଆକ୍ରମଣ କରିଥିଲେ। ଏପରିକି ତପନଙ୍କ ଗୋଡ ଓ ହାତରେ ଗଭିର ଆଘାତ ଲାଗିଛି। ସେ ବର୍ତମାନ ଗୁରୁତର ଅବସ୍ଥାରେ କଟକରେ ଚିକିତ୍ସିତ ହେଉଛନ୍ତି। ଏନେଇ ବିଭାଗ ତରଫରୁ ଓ ତପନଙ୍କ ପରିବାର ତରଫରୁ ଥାନାରେ ଅଭିଯୋଗ କରିଥିଲେ ମଧ୍ୟ ପୋଲିସ ତରଫରୁ କୌଣସି କାର୍ଯ୍ୟାନୁଷ୍ଠାନ ନିଆଯାଇନଥିଲା। ଫଳରେ ଆଜି ଗୋଦିମ କର୍ମଚାରି ଓ ଗ୍ରାମବାସି ମିଶି ଗୋଦିମ ସମ୍ମୁଖରେ ଧାରଣାରେ ବସିଥିଲେ। ଖବର ପାଇ ଘଟଣାସ୍ଥଳରେ କାମାକ୍ଷାନଗର ଏସଡିପିଓ ଓ ଉପଜିଲ୍ଲାପାଳ ପହଞ୍ଚି ବୁଝାସୁଝା କରିଥିଲେ। ଦୁର୍ବୁତ୍ତ ମାନଙ୍କୁ ତୁରନ୍ତ ଗିରଫ କରିବା ଓ ରେଡକ୍ରସ ପାଣ୍ଠିରୁ ଆହାତଙ୍କୁ ଆର୍ଥିକ ସହାୟତା ଯୋଗେଇ ଦେବାପାଇଁ ପ୍ରତିଶୃତି ଦେବାପରେ ଧାରଣାରୁ ହଟିଥିଲେ।
