ପାକିସ୍ତାନ ସୁପ୍ରିମକୋର୍ଟର ବେସମେଣ୍ଟରେ ଗ୍ୟାସ ସିଲିଣ୍ଡର ବିସ୍ଫୋରଣ ହେବାରୁ ଚାରି ଜଣ ଆହତ ହୋଇଛନ୍ତି। ବିସ୍ଫୋରଣ ସମୟରେ ବିଲ୍ଡିଂର ସେଣ୍ଟ୍ରାଲ ଏସି ସିଷ୍ଟମ ମରାମତି କାମ ଚାଲିଥିଲା। ଘଟଣା ପରେ ଓକିଲ, ଜଜ୍ ଓ କର୍ମଚାରୀମାନେ ଆତଙ୍କରେ କୋର୍ଟ ପରିସର ଛାଡିଦେଇଥିଲେ।
ଆହତମାନଙ୍କୁ ହସପିଟାଲରେ ଭର୍ତ୍ତି କରାଯାଇଛି। ବିସ୍ଫୋରଣ ବେସମେଣ୍ଟରେ ଥିବା କ୍ୟାଫେଟେରିଆରେ ଘଟିଥିଲା, ଯେଉଁଠି ଫର୍ନିଚର ଓ ସାମଗ୍ରୀ କ୍ଷତିଗ୍ରସ୍ତ ହୋଇଛି। ରେସ୍କ୍ୟୁ ଟିମ୍ ଓ ସୁରକ୍ଷାକର୍ମୀମାନେ ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି।
ପୂର୍ବରୁ ମଧ୍ୟ ଏପରି ବିସ୍ଫୋରଣ ଘଟିଥିବା ଓ ତାହାର ମୁଖ୍ୟ କାରଣ ଖରାପ ଗ୍ୟାସ ସିଲିଣ୍ଡର ବ୍ୟବହାର ଥିବା ଜଣାପଡିଛି।