ଢେଙ୍କାନାଳ ଜିଲ୍ଲା ଭୁଵନରେ ଗୁରୁବାର ଦିନ ଐତିହାସିକ ବଳଦ ଯାତ୍ରା ତୃତୀୟ ଦେବ ଜୀଉ ଜଗନ୍ନାଥ ମନ୍ଦିରରୁ ଶୁଭାରମ୍ଭ ହୋଇଛି । ପବିତ୍ର ଦଶରା ଅବସରରେ ଭୁବନରେ ପାରମ୍ପରିକ ବଳଦଯାତ୍ରା ଦୁଇଦିନ ଧରି ଅନୁଷ୍ଠିତ ହେବ। ଯାତ୍ରାରେ ଥୋରିଆ , ବଣିଆ ଓ କାଚରା ସଂପ୍ରଦାୟର ଲୋକମାନେ ନିଜ ନିଜର କୌଳିକ ବୃତ୍ତିକୁ ନେଇ ଅନୁକୂଳ ପର୍ବ ପାଳନ କରିଛନ୍ତି। ସେହିପରି ଅନ୍ୟ ସଂପ୍ରଦାୟର ଲୋକମାନେ ଯାତ୍ରାରେ ମଧ୍ୟ ସାମିଲ ହୋଇ ଯାତ୍ରାକୁ ସରସ ସୁନ୍ଦର କରୁଛନ୍ତି। ବିଶେଷ କରି ଥୋରିଆ ସଂପ୍ରଦାୟର ଲୋକମାନେ ମା ବଣିଜାରୀଙ୍କୁ ପୂଜାର୍ଚ୍ଚନା କରିବା ପରେ ବଳଦକୁ ସୁସଜ୍ଜିତ କରି ବାଜାର ତାଳେତାଳେ ପରମ୍ପରା ରକ୍ଷାକରି ଦେବାଦେବୀଙ୍କୁ ଦର୍ଶନ କରି ସହର ପରିକ୍ରମା କରିଛନ୍ତି । ଯାତ୍ରା ଶେଷରେ ଜଗନ୍ନାଥଙ୍କୁ ଦର୍ଶନ କରି ଗୁଜୁରିହାଟରେ ଲୁଣ ମାପିବା ପରେ ଘରକୁ ଫେରିବା ର ପରମ୍ପରା ରହିଛି ।
ତେବେ ଭୁବନର ଅନ୍ୟ ସମ୍ପ୍ରଦାୟର ଲୋକମାନେ ୩୨ଟି ବଳଦ ଓ ଷଣ୍ଢ ସାମିଲ ହୋଇଛନ୍ତି । ଦ୍ବିତୀୟ ଦିନ ଭଷାଣି ଯାତ୍ରା ପାଇଁ ରଘୁନାଥଜିଉ ଙ୍କ ମନ୍ଦିର ରେ ପ୍ରତ୍ୟେକ ପାଟକଙ୍କୁ ଝଣ୍ଡାମାଳ ଦେଇ ନିମନ୍ତ୍ରଣ କରାଯିବା ପାଇଁ ବିଧି ରହିଛି । ଭାଇଚାରାର ଏହି ପର୍ବରେ ସମସ୍ତ ସଂପ୍ରଦାୟର ଲୋକମାନଙ୍କୁ ଯାତ୍ରାରୁ ଫେରି ଗୁରୁଜନ ମାନଙ୍କୁ ସମ୍ମାନ କରି ଅନୁକୂଳ ଯାତ୍ରାରେ ସମାପନ କରିଥାନ୍ତି। ସେହିପରି ଏହି ଅବସରରେ କାଚରା ସଂପ୍ରଦାୟର ଲୋକମାନେ ପ୍ରଶାସନିକ ଅଧିକାରୀ ଓ ଶାନ୍ତିିକମିଟିର ସଦସ୍ୟ ମାନଙ୍କୁ ଜଗନ୍ନାଥ ମନ୍ଦିର ନିକଟରେ ସଂବର୍ଦ୍ଧିତ କରିଥିବା ବେଳ ଜଗନ୍ନାଥ ଙ୍କ ମନ୍ଦିର ରେ ପରମ୍ପରା ରକ୍ଷାକରି କଂସାବାସନ ଓଜନ କରଥାନ୍ତି। ଶାନ୍ତିଶୃଙ୍ଖଳାର ସହ ଯାତ୍ରା ସମାପନ ହେବ ବୋଲି ସମସ୍ତ ପ୍ରଶାସନିକ ଅଧିକାରୀ ଓ ଶାନ୍ତିକମିଟ ସଦସ୍ୟ ମାନେ ସୂଚନା ଦେଇଛନ୍ତି ।